Сьылан 7:12 - Коми Библия 2023

¹² Лок, мусукӧй, мунам видз вылӧ, войсӧ коллялам хна пӧвстын.

Сьылан 7:12 Referans Kwoze

Сьылан 6:11

– Ме муні кольтуся сад йӧрӧ, лэччи веж ковтысӧ видзӧдлыны, эз-ӧ мыччысь виноград кор, оз-ӧ дзоридзав гранат пу.

Ефесӧ 6:24

Енлӧн буралӧмыс быдӧнкӧд, коді радейтӧ миян Господь Исус Кристосӧс бырлытӧм муслунӧн. Аминь.

2 Коринфӧ 13:5

Тӧдмалӧй асьнытӧ, эм-ӧ тіян эскӧмныд? Видзӧдлӧй сьӧлӧманыд! Ті ӧмӧй онӧ тӧдӧй, мый Исус Кристос тіян пытшкын! Абу кӧ тадз, сідзкӧ, ті абу найӧ, кодъясӧн колӧ лоны тіянлы.

Сьылан 7:6

Юрыд Кармил керӧс кодь, юрсиыд лӧсталӧ пемыдгӧрд вурун моз, тэнад юрсиыд весиг ӧксыӧс тывйыштӧ.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.

Еврейяслы 2:15

да мездыны кулӧмысь полысьясӧс, кодъяс став олӧм чӧжныс вӧліны полӧмыслӧн кӧртӧд улынӧсь.

Еврейяслы 2:13

Нӧшта шуӧ: – Господь вылӧ Ме лача кута. Сійӧ содтӧ: – Со, Ме да ныв-пи, кодъясӧс сетіс Меным Ен.

Римӧ 5:11

Но тайӧ абу на ставыс. Ми нимкодясям нӧшта Енмӧн, ӧд Исус Кристос Господьным пыр миян эм Енкӧд бурасьӧм.

Ап. уджъяс 15:36

Кутшӧмкӧ кад мысти Павел шуис Варнавалы: «Мунам да выльысь кытшовтам сійӧ каръяссӧ, кӧні ми висьтавлім Господьлысь кывсӧ, тӧдмалам, кыдзи олӧны миян вокъяс».

Исай 18:5

Но виноград вотӧдз на, сылӧн дзоридзалӧм бӧрти, кор розйыс заводитас кисьмыны, Господь пуртӧн вундалас вожъяссӧ, Сійӧ кералас да шыбитас выль вожъяссӧ.

Сьылан 4:16

– Кыпӧдчы, вой тӧв, пӧльышт, лун тӧв! Пӧльышт менам сад вылӧ, медым паськалас сылӧн чӧскыд дукыс! Мед локтас менам мусукӧй аслас сад йӧрӧ, мед видлас сэтысь чӧскыд вотӧссӧ.

Сьылан 2:15

Кыйӧй ручьясӧс, куталӧй ручпиянӧс виноград йӧрысь. Найӧ бырӧдӧны винограднымӧс, а сійӧ миян дзоридзалӧ нин.

Сьылан 2:13

Инжир пулӧн вотӧсыс кисьмӧ, дзоридзалысь виноград чӧскыда ӧвтӧ. Чеччы, мусаӧй, пет, менам мичаӧй!

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Шусьӧгъяс 8:17

Менӧ радейтысьӧс ме радейта, менӧ корсьысь аддзас менӧ.

Псалтыр 43:4

Эз шыпурт отсӧгӧн босьтны миян батьяс тайӧ мусӧ, эз асланыс вынӧн найӧ вермыны, а Тэнад веськыд киӧн да вынӧн, Тэнад чужӧмбаныдлӧн югыдӧн, ӧд Тэ вӧлін бур сьӧлӧма на дінӧ.

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Сьылан 4:13

Тэ – сад йӧр, кӧні быдмӧны гранат, чӧскыд вотӧса пуяс, хна да нард,

Сьылан 7:11

– Ме – мусукӧйлӧн, ме дінӧ сійӧс кыскӧ.