Сьылан 4:8 - Коми Библия 2023

⁸ – Лок, гӧтырпуӧй, ливанса керӧссянь, лок ме дінӧ Ливансянь! Лэччы Амана керӧс йывсянь, коль Сенир да Ермон керӧсъяс, левлысь сайӧдчанінсӧ, леопардлысь оланінсӧ.

Сьылан 4:8 Referans Kwoze

Индӧд 3:9

Сидонсаяс Ермонсӧ шуӧны Сирионӧн, а аморейяс – Сенирӧн.

Сьылан 2:13

Инжир пулӧн вотӧсыс кисьмӧ, дзоридзалысь виноград чӧскыда ӧвтӧ. Чеччы, мусаӧй, пет, менам мичаӧй!

Псалтыр 45:10

Став му пасьтала Сійӧ дугӧдіс тышъяс, чегъяліс ньӧввужъяс да шыяс, биын сотіс тарантасъяс.

1 Каднебӧг 5:23

Манассейлӧн уна лыда джын чужанкотырыс оліс сійӧ муас, мый нюжаліс Васансянь Ваал-Ермон, Сенир да Ермон керӧсъясӧдз.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Сьылан 7:11

– Ме – мусукӧйлӧн, ме дінӧ сійӧс кыскӧ.

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Шусьӧгъяс 9:6

Ветлӧй мывкыдлуныслӧн туйӧд, кольӧй мывкыдтӧм оласногнытӧ, медым овны».

Псалтыр 76:4

Кор казьтывла Ен йылысь, менӧ дзӧрӧдӧ, кор мӧвпала Сы йылысь, менсьым лолӧс личкӧ.

Псалтыр 76:1

Едутунлы, сьылысьясӧн веськӧдлысьлы. Асафлӧн псалом.

Ӧксыяслӧн 3 небӧг 4:33

Сійӧ вермис висьтавны быдпӧлӧс быдмӧгыс йылысь – ливанса сус пусянь да стен коластӧд быдмысь иссоп турунӧдз. Вермис висьтавны пемӧсъяс, лэбачьяс, веглясьысь-нюглясьысьяс да черияс йылысь.

Нав Исус 12:1

Израиль пиян босьтісны аслыныс Йӧрдан ю сайысь став асыввыв ковтыссӧ, мый нюжӧдчӧ Арнон юсянь Ермон керӧсӧдз. Найӧ виисны сэтчӧс ӧксыясӧс.

Индӧд 3:25

Ыджыдӧй, лэдз меным вуджны Йӧрдан ю да видзӧдлыны сэтчӧс бур мусӧ – мича керӧсвыв му да Ливан”.

Ӧксыяслӧн 4 небӧг 5:12

Дамаскса Авана да Фарфар юяс абу ӧмӧй бурджыкӧсь израильса юяс дорысь? Ме ӧмӧй ог вермы сэні мыссьыны да сӧстӧммыны?» Скӧралігтырйи Нееман муніс сэтысь.

Псалтыр 72:16

Ме мӧвпалі, кыдзи меным гӧгӧрвонысӧ, но тайӧ сьӧкыд вӧлі меным,

Псалтыр 89:12

Велӧд миянӧс артавны ассьыным олан лунъяснымӧс, медым миян вӧлі мывкыд сьӧлӧм.

Езекиль 27:5

Тэнсьыд дорыштӧ вӧчисны Сенирысь вайӧм кипарис пуысь, шолгатӧ – ливанса сус пуысь,