Сьылан 4:13 - Коми Библия 2023

¹³ Тэ – сад йӧр, кӧні быдмӧны гранат, чӧскыд вотӧса пуяс, хна да нард,

Сьылан 4:13 Referans Kwoze

Сьылан 1:14

– Тэ сэтшӧм мича, мусаӧй, тэнад синмыд гулю кодь. (Ныв:)

Сьылан 6:11

– Ме муні кольтуся сад йӧрӧ, лэччи веж ковтысӧ видзӧдлыны, эз-ӧ мыччысь виноград кор, оз-ӧ дзоридзав гранат пу.

Еклесиаст 2:5

лӧсьӧді сад йӧръяс, расъяс да пукті сэтчӧ быдсяма вотӧса пусӧ,

Сьылан 1:12

Смирна ёкмыль моз мусукӧй ляскысьӧ менам морӧс бердӧ.

Филипӧ 1:11

кутанныд вайны веськыда олӧмыслысь вотӧссӧ Енсӧ ошкӧм да аттьӧалӧм могысь. Тайӧ уджсӧ кутас вӧчны тіян пытшкын Исус Кристос.

Иоан 12:3

Марья босьтіс литра джын зэв дона нард вый да мавтіс Исуслысь коксӧ, сэсся чышкаліс найӧс юрсинас. Керкаас ӧвтіс чӧскыд дукӧн.

Марк 14:3

Исус вӧлі Вифания сиктын, проказаысь бурдӧм Симон ордын. Сёйиганыс сэтчӧ локтіс ань, сійӧ вайис вальді дозйын зэв дона нард вый. Ань жугӧдіс дозсӧ да кисьталіс выйсӧ Исуслы юр вылас.

Исай 61:11

Кыдзи муыс быдтӧ пуктас-быдтассӧ, кыдзи йӧрын быдмӧны кӧдзӧмторъяс, тадзи Господь Ыджыдыс быдтас веськыдлун, тадзи быдмас-содас Сійӧс ошкӧмыс войтыръяс водзын.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Сьылан 8:2

Сэки эськӧ босьті тэнӧ аскӧд, вайӧді тэнӧ аслам мам керкаӧ. Тэ эськӧ велӧдін менӧ, а ме юктӧді тэнӧ чӧскыд винаӧн, гранат вотӧса ваӧн.

Сьылан 6:2

– Менам мусукӧй лэччӧма аслас сад йӧрӧ, кӧні быдмӧны чӧскыда ӧвтысь быдмӧгъяс, сійӧ пӧткӧдчӧ сад йӧр вотӧснас, ӧктӧ сэтысь лилия.

Сьылан 4:14

нард да шафран, имбир да корица, чӧскыд дука пуяс, смирна да алоэ – став медбур ӧвтанторйыс.

Сьылан 2:3

– Зонъяс пӧвстын менам мусукӧй быттьӧ вӧрса пуяс костын яблӧг пу. Сылӧн вуджӧр улын меным нимкодь пукавны, сылӧн вотӧсыс юмов менам вомын.

Сьылан 4:16

– Кыпӧдчы, вой тӧв, пӧльышт, лун тӧв! Пӧльышт менам сад вылӧ, медым паськалас сылӧн чӧскыд дукыс! Мед локтас менам мусукӧй аслас сад йӧрӧ, мед видлас сэтысь чӧскыд вотӧссӧ.

Йоиль 2:8

Ӧта-мӧдсӧ оз тойлавны, быдӧн кутӧ ассьыс нырвизьсӧ. Найӧ котӧртӧны ёсь шыяслы паныд, найӧс нинӧм оз сувтӧд.