Сьылан 3:4 - Коми Библия 2023

⁴ Муртса вешйи на дінысь, и ме аддзи ассьым радейтанаӧс. Ме шашаритчи сыӧ, эг лэдз ас дінысь, ме вайӧді сійӧс мам керкаӧ, пырті менӧ чужтысьлӧн вежӧсӧ.

Сьылан 3:4 Referans Kwoze

Сьылан 8:2

Сэки эськӧ босьті тэнӧ аскӧд, вайӧді тэнӧ аслам мам керкаӧ. Тэ эськӧ велӧдін менӧ, а ме юктӧді тэнӧ чӧскыд винаӧн, гранат вотӧса ваӧн.

Шусьӧгъяс 8:17

Менӧ радейтысьӧс ме радейта, менӧ корсьысь аддзас менӧ.

Шусьӧгъяс 4:13

Велӧдӧмӧй серти ов, эн коль сійӧс, видз сійӧс, ӧд сэні тэнад олӧмыд.

Матвей 7:7

«Корӧй, и тіянлы сетасны, корсьӧй, и ті аддзанныд, игӧдчӧй, и тіянлы восьтасны.

Бӧрданкыв 3:25

Господь бур Сы вылӧ лача кутысьяс дінӧ, Сійӧс корсьысьяс дінӧ.

Еремей 29:13

Ті корсянныд Менӧ, и аддзанныд, корсянныд став сьӧлӧмсяньныд,

Исай 45:19

Ме эг гусьӧн висьтав, эг пемыдінын сёрнит, Яковсянь чужысьяслы Ме эг тшӧктывлы корсьны Менӧ кушинысь. Ме – Господь, Ме сёрнита веськыда, висьтала-юӧрта збыльсӧ.

Сьылан 6:12

Эг и тӧдлы, кыдзи сьӧлӧмӧй кыскис менӧ менам войтырысь пыдди пуктанаяслӧн тарантас дорӧ.

Галатӧ 4:26

Енэжвыв Ерусалимыс – мездлуна кар, сійӧ миянлы ставнымлы мам.

Матвей 28:9

Туй выланыс аньяскӧд паныдасис Исус да шуис: «Нимкодясьӧй!» Найӧ уськӧдчисны Сы водзӧ да кутчысисны кокас.

Сьылан 7:5

Тэнад сьыліыд слӧн лыысь вӧчӧм сюръя кодь, синмыд хешбонса вайӧртӧд кодь, Бат-Раббим дзиръядорса вайӧртӧд кодь, нырыд Дамасклань видзӧдысь ливанса башня кодь.

Олӧм 32:26

Сэсся шуис Яковлы: «Лэдз Менӧ, ӧд кыа нин петӧ». Яков шуис: «Ог лэдз, кытчӧдз он бурси менӧ».

Римӧ 8:35

Мый вермас торйӧдны миянӧс Енлӧн муслунысь? Гашкӧ, шог, дзескӧдӧм, вӧтлӧм? Гашкӧ, тшыгъялӧм, кӧм-пасьтӧг кольӧм? Гашкӧ, неминуча суӧм, шыпуртысь кулӧм?

Римӧ 8:39

пыдтаыс ни судтаыс, – некутшӧм вӧчӧмтор оз вермы торйӧдны миянӧс Ен муслунысь, мый восьтӧма миянлы Исус Кристос Господьным пыр.

Сьылан 1:7

– Он кӧ тӧд, медмича аньӧй, мун ыжъяслӧн кок туйӧд, видз ассьыд кӧзапиянтӧ ыж видзысьяслӧн чом дорын.