Сьылан 3:3 - Коми Библия 2023

³ Меным паныдасисны карсӧ кытшовтысь видзысьяс. Ме юалі налысь: «Аддзылінныд-ӧ менсьым радейтанаӧс?»

Сьылан 3:3 Referans Kwoze

Сьылан 5:7

Меным паныдасисны карсӧ кытшовтысь видзысьяс, найӧ нӧйтісны-дойдалісны менӧ, нетшыштісны менсьым вевттьӧдӧс.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

Иоан 20:15

Исус юаліс: «Аньӧй, мыйла тэ бӧрдан? Кодӧс корсян?» Марья чайтіс, мый сыкӧд сёрнитӧ сад йӧрын уджалысь, да шуис сылы: «Ыджыдӧй, тэ кӧ петкӧдін Сійӧс, висьтав, кытчӧ пуктін. Ме босьта Сійӧс».

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Исай 62:6

Ерусалим, тэнад стенъяс вылӧ Ме сувтӧді кар видзысьясӧс, лун и вой налӧн гӧлӧс шыныс оз ланьтлы. – Ті, Господь дінӧ шыасьысьяс, энӧ чӧв олӧй!

Исай 56:10

Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.

Сьылан 1:7

– Он кӧ тӧд, медмича аньӧй, мун ыжъяслӧн кок туйӧд, видз ассьыд кӧзапиянтӧ ыж видзысьяслӧн чом дорын.