Сьылан 3:2 - Коми Библия 2023

² Ме шуи чеччыны, кытшовтны карсӧ, изэрд-улич вылысь корсьны ассьым радейтанаӧс. Ме корси сійӧс, но эг аддзы.

Сьылан 3:2 Referans Kwoze

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

1 Коринфӧ 15:34

Пальӧдчӧй да олӧй бур ногӧн, дугдӧй вӧчны мыжсӧ! Ӧд ӧткымынӧн тіян пӧвстысь оз тӧдны Енсӧ, ме шуа тайӧс тіянӧс янӧдӧм могысь.

Римӧ 13:11

Тадзи вӧчӧй, ті ӧд тӧданныд, мый воис нин кад садьмыны миянлы. Мездмӧмыс ӧні ёна нин матын сэкъя дорысь, кор ми сӧмын на пондім эскыны.

Иоан 1:6

Ен мӧдӧдіс Иоан нима мортӧс.

Еремей 5:1

– Ветлӧдлӧй ерусалимса уличьясті, видзӧдалӧй да тӧдмалӧй, корсьӧй изэрдъяс вылысь мортӧс, коді олӧ веськыда да кутчысьӧ збыляс. Аддзанныд кӧ, сэки Ме прӧстита Ерусалимын олысьясӧс.

Исай 64:7

Некод оз шыась Тэнад нимӧ, некод оз кутчысь Тэ дінӧ. Та вӧсна Тэ бергӧдін миянысь Ассьыд чужӧмтӧ, эновтін миянӧс кувны асланым мыжъясын.

Сьылан 5:5

Ме чеччи восьтны мусуклы, менам киысь смирна войталіс, чуньясысь войталіс ӧдзӧс вуг вылӧ.

Шусьӧгъяс 8:34

Майбыр менӧ кывзысь, коді быд лун сулалӧ менам дзиръя дорын, видзӧдӧ менам ӧдзӧсӧ.

Сьылан 3:3

Меным паныдасисны карсӧ кытшовтысь видзысьяс. Ме юалі налысь: «Аддзылінныд-ӧ менсьым радейтанаӧс?»

Сьылан 1:7

– Он кӧ тӧд, медмича аньӧй, мун ыжъяслӧн кок туйӧд, видз ассьыд кӧзапиянтӧ ыж видзысьяслӧн чом дорын.