Сьылан 3:11 - Коми Библия 2023

¹¹ петӧй, сионса нывъяс, видзӧдлӧй Соломон ӧксы вылӧ! Сылӧн юр вылас юркытш – сійӧс мамыс пуктӧма сылӧн гӧтрасян лунӧ, сьӧлӧмсӧ гажӧдан лунӧ.

Сьылан 3:11 Referans Kwoze

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Восьтӧм 1:7

Со, Сійӧ локтӧ кымӧръяс вылын, Сійӧс аддзас быд син. Сійӧс аддзасны тшӧтш найӧ, кодъяс бытшкисны Сійӧс. Сэки Сы водзын ырзӧмӧн бӧрддзасны мувывса войтыръяс. Тайӧ тадзи! Аминь.

Еврейяслы 13:13

Сідзкӧ, петам Исус дінӧ кар ортсыас да Сы моз нуам лёкӧдӧмсӧ.

Матвей 12:42

Лунвыв муысь ӧксы-ань сувтас мыждан лунӧ ӧнія олысьяскӧд да мыжалас найӧс. Ӧд му помсяньыс сійӧ воліс кывзыны Соломонлысь мывкыд сёрнисӧ. Но тані тіянкӧд Сійӧ, коді Соломон дорысь ыджыдджык».

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Псалтыр 9:14

Господьӧй, ло бур сьӧлӧма ме дінӧ, видзӧдлы, кутшӧма ме сьӧкыдала менӧ мустӧмтысьяс вӧсна. Тэ лэптан менӧ кулӧмыслӧн дзиръя дорысь.

Восьтӧм 19:12

Сылӧн синмыс ыпъяліс би моз, а юр вылас вӧлі уна юркытш. Пукалысь вылӧ гижӧм нимсӧ Сыысь кындзи некод эз тӧд.

Восьтӧм 19:7

Кутам нимкодясьны да гажӧдчыны, кутам ошкыны Енмӧс! Ӧд Баля ӧні гӧтрасьӧ, Сылӧн гӧтырпуыс дась нин,

Еврейяслы 2:9

Но ми аддзам Исусӧс, кодӧс дженьыд кад кежлӧ вӧлі улӧджык пуктӧма анделъяс дорысь. Енлӧн буралӧмыс вӧсна Сійӧ куліс став йӧзыс понда. Тайӧ сьӧкыда кулӧм вӧснаыс Исусӧс ӧні мичмӧдӧма дзирдлунӧн да нимӧдӧмӧн.

Колосӧ 1:18

Сійӧ вир-яйыслӧн, вичколӧн, Юрыс. Сійӧ эм Панасыс. Сійӧ кулӧмаясысь медводдза Ловзьысь, медым быдторйын лоны медводдзаӧн.

Иоан 15:11

Тайӧс Ме висьталі, медым Менам нимкодьлунӧй вуджис тіянлы да тыртіс сьӧлӧмнытӧ.

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

Лука 15:32

Вокыд вӧсна колӧ гажӧдчыны-нимкодясьны, ӧд сійӧ вӧлі кулӧма, а ӧні ловъя, вӧлі вошӧма, а ӧні сюрис”».

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Исай 4:4

Господь мыськалас сионса аньясӧс став пежсьыс, весалас Ерусалимӧс вирсьыс веськыда мыждысь ловнас, биӧн сотысь ловнас.

Сьылан 8:5

– Коді тайӧ, овтӧминысь локтысьыс? Сійӧ топӧдчӧма мусукыс бердӧ. (Ныв:) – Яблӧг пу улын ме садьмӧді тэнӧ, сэні коркӧ сьӧктаммис тэнад мамыд, сэні сійӧ чужтіс тэнӧ.

Сьылан 7:11

– Ме – мусукӧйлӧн, ме дінӧ сійӧс кыскӧ.

Сьылан 2:7

Газель да лань водзын кыв сетӧй, ерусалимса нывъяс, мый онӧ садьмӧдӧй муслунсӧ кадысь водз. (Ныв:)

Сьылан 1:5

Энӧ видзӧдӧй менам гожъялӧм чужӧм вылӧ, гож водзас сійӧ сотчӧма. Менам вокъяс скӧрмисны ме вылӧ, тшӧктісны видзны виноград йӧръяс. Но ассьым виноград йӧрӧс ме эг видз.

Псалтыр 48:11

Быдӧн тӧдӧ, мый мывкыдтӧмъяс да вежӧртӧмъяс моз весиг мывкыдаяс кулӧны, ассьыныс эмбурсӧ кольӧны мукӧдлы.

Закар 6:11

Босьт налысь эзысь-зарнисӧ да вӧч юркытш, сэсся пукты сійӧс юр вылас Исус аркирейлы, Иоседеклӧн пилы.