Сьылан 1:2 - Коми Библия 2023

² Тэсянь чӧскыд мавтасӧн ӧвтӧ, тэнад нимыд – визувтысь дона вый, та вӧсна тэнӧ радейтӧны нывъяс.

Сьылан 1:2 Referans Kwoze

Сьылан 4:10

О, кутшӧм юмов тэнад муслуныд, чоюкӧй-гӧтырпуӧй! Тэнад муслуныд вина дорысь на чӧскыд! Тэнад мавтасыд став быдмӧгсьыс на чӧскыда ӧвтӧ.

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Псалтыр 36:7

Лӧня виччысь Господьӧс да лача кут Сы вылӧ. Эн вежав наяна вӧчысьлы, кодлӧн ставыс артмӧ.

Лука 15:20

Сійӧ чеччас да мӧдӧдчас батьыс ордӧ. Ылісянь на батьыс аддзас писӧ, да сылӧн сьӧлӧмыс нормас. Сійӧ котӧрӧн уськӧдчас пиыслы паныд, сывйыштас да окалас писӧ.

Матвей 26:26

Сёйиганыс Исус босьтіс нянь, Енмӧс аттьӧалӧмӧн чегъяліс няньсӧ да велӧдчысьяслы сетігас шуис: «Босьтӧй, сёйӧй, тайӧ Менам яй».

Исай 25:6

Тайӧ керӧс вылас Господь Саваоф дасьтас став войтыръяслы пызан, кӧні лоӧ чӧскыд сёян да медбур вина, пӧтӧса яя вӧлӧга да чӧскыд вина.

Сьылан 7:12

Лок, мусукӧй, мунам видз вылӧ, войсӧ коллялам хна пӧвстын.

Сьылан 7:9

Ме мӧвпышті: кавшася тайӧ пальма вылас, кутчыся сылӧн вотӧса увъясӧ. Морӧсыд лоӧ меным виноград розйӧн, лолалӧмыд – яблӧг ӧвтӧмӧн,

Сьылан 2:4

Мусукӧй вайӧдіс менӧ гажӧдчанінӧ, сылӧн муслуныс дӧрапас моз дӧлаліс ме весьтын.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Ап. уджъяс 21:7

Тирсянь ми кывтім Птолемаидаӧ, тані помасис миян кывтӧмным. Сэні аддзысим вокъяскӧд да кольччим на ордӧ ӧти лун кежлӧ.

Сьылан 7:6

Юрыд Кармил керӧс кодь, юрсиыд лӧсталӧ пемыдгӧрд вурун моз, тэнад юрсиыд весиг ӧксыӧс тывйыштӧ.

Сьылан 5:16

Сылӧн вомыс – юмовтор, ставыс сылӧн кыскӧ ас дінас. Татшӧм менам мусукӧй, татшӧм менам ёртӧй, ерусалимса нывъяс!

1 Петыр 5:14

Чолӧмалӧй ӧта-мӧднытӧ мусапырысь окыштӧмӧн. Лӧнь олӧм ставныдлы, кодъяс Исус Кристос пытшкынӧсь. Аминь.

Олӧм 45:15

Сэсся бӧрдігтырйи Ӧсип окаліс мукӧд вокъяссӧ, та бӧрын найӧ пондісны сёрнитны.

Олӧм 29:11

Яков окыштіс Ракельӧс да бӧрддзис.