Софоний 3:5 - Коми Библия 2023

⁵ Но Господь веськыд, Сійӧ веськыда вӧчӧ тайӧ карас. Быд асыв Сійӧ петкӧдлӧ Ассьыс веськыда мыждӧмсӧ, но лёк вӧчысь яндзим оз тӧд.

Софоний 3:5 Referans Kwoze

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Бӧрданкыв 3:23

Господьлӧн буралӧмыс быд асыв выльмӧ, Сійӧ – эскана Ен.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Исай 28:19

Сійӧ кутас локны выльысь и выльысь, асывнас, луннас и рытнас, быд лун сійӧ кутас кылӧдны тіянӧс. Тайӧ висьталӧмсӧ гӧгӧрвоигӧн полӧмныдла ті кутанныд дзӧрны.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Индӧд 23:14

Ӧд Господь, тіян Енныд, ветлӧ тіян чомъяс костӧд, мездӧ тіянӧс да сетӧ тіян киӧ вӧрӧгнытӧ. Та вӧсна тіян сувтанінныд мед лоӧ вежа, медым Господь эз аддзы тіян пӧвстысь зывӧксӧ да эз вешйы тіян дінысь».

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Псалтыр 37:6

Менам мывкыдтӧмлун вӧсна дойясӧй орзьӧмаӧсь, ӧвтӧны лёк дукӧн.

Иов 34:10

Сідзкӧ, кывзӧй менӧ, сюсь вежӧраяс! Енмыс оз вӧч лёксӧ, Ставсӧвермысьлӧн уджъясыс веськыдӧсь.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Лука 12:2

Став дзебӧмаыс тыдовтчас да став гусяыс йӧзасяс.

Софоний 2:1

Тӧдмалӧй, тӧдмалӧй асьнытӧ, яндысьтӧм йӧз,

Аввакум 1:3

Мыйла Тэ сетан меным аддзыны лёк вӧчӧмсӧ, видзӧдны шогыс вылӧ? Быдлаын гусясьӧны-мырддялӧны, виалӧны-дзескӧдӧны, лӧгалӧны да зыксьӧны.

Микей 7:9

Ме мыжа Господь водзын, та вӧсна меным колӧ нуны Сылысь скӧрлунсӧ, кытчӧдз Сійӧ оз видлав менсьым мыжӧс да оз бурсьӧлӧмтчы ме дінӧ. Сэки Сійӧ петкӧдас менӧ югыдас, и ме аддза Сылысь веськыдлунсӧ.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Еремей 21:12

ті, Давидлӧн рӧдыс! Господь тадзи висьталӧ: водз асывсяньыс мыждӧй веськыда, увтыртӧмаӧс мездӧй дзескӧдысьлӧн киысь, медым Менам скӧрлунӧй эз ыпнит би моз, медым тіян лёк вӧчӧмъясныд вӧсна Менам скӧрлунӧй эз паськав кусӧдны позьтӧм яр би моз.

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 6:15

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Еремей 3:3

Та вӧсна зэрыс эз вӧв, эз киссьы тувсовъя зэр. Тэнад чужӧмыд кырсалысь аньлӧн кодь, тэ воштӧмыд яндзимтӧ.

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Исай 45:21

Сёрнитчӧй ас костаныд, висьталӧй-вочавидзӧй. Коді важысянь юӧртіс та йылысь, водзысянь висьтавліс тайӧс? Эг-ӧ Ме, Господь? Меысь кындзи мӧд Енмыс абу! Ме веськыда вӧчысь Ен, Мездысь, Меысь кындзи мӧдыс абу!

Исай 33:2

Господьӧй, ло бур сьӧлӧма миян дінӧ! Тэ вылӧ ми лача кутам. Водз асывсянь ло миянлы Дорйысьӧн, сьӧкыд кадӧ ло миянлы Мездысьӧн!

Иов 8:3

Енмыс ӧмӧй оз веськыда мыжды, Ставсӧвермысь ӧмӧй вежас збыльсӧ?

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Иов 7:18

Быд асыв Тэ волан сійӧс видлыны, быд здукӧ тӧдмалан.

Езекиль 18:25

Ті шуанныд, Господь пӧ оз веськыда вӧч. Кывзы Менӧ, Израиль войтыр! Ме ӧмӧй ог веськыда вӧч? Ті асьныд онӧ веськыда вӧчӧй.

Осий 14:9

Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Осий 6:5

Та вӧсна Ме нӧйтлі тіянӧс пророкъяс пыр, Аслам кывъясӧн виавлі тіянӧс. Менам веськыда мыждӧмӧй югдӧдысь югӧр кодь.