Софоний 3:2 - Коми Библия 2023

² Сэні олысьяс оз кывзысьны, оз сибӧдны туйдӧдӧмсӧ, Господь вылӧ лача оз кутны, оз локны асланыс Ен дінӧ.

Софоний 3:2 Referans Kwoze

Еремей 22:21

Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Еремей 32:33

Найӧ бергӧдісны Меланьӧ мышнысӧ, а эз чужӧмнысӧ. Ме выльысь и выльысь велӧдлі найӧс, но найӧ эз кывзыны, эз сибӧдны Менсьым туйдӧдӧмӧс.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Исай 43:22

Но тэ, Яков, эн шыасьлы Ме дінӧ, эн кесъявлы Меным, Израиль.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Шусьӧгъяс 5:12

шуан: «Мыйла нӧ ме мустӧмті велӧдӧмсӧ, мыйла сьӧлӧмӧй нинӧмӧ пуктіс ӧлӧдӧмсӧ?

Псалтыр 50:17

Господьӧй, восьт менсьым вомӧс, и менам вомысь кыптас Тэныд ошкӧмыс.

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Езекиль 24:13

Тэнад пежыд зывӧктана. Ме сӧстӧммӧдлі тэнӧ, но тэ эн сӧстӧммы аслад пежсьыд. Кытчӧдз Ме став скӧрлунӧс тэ вылӧ ог кисьт, тэ он сӧстӧммы.

Еремей 35:17

Та вӧсна Господь Ен Саваоф, Израильлӧн Ен, тадзи висьталӧ: Ме мӧдӧда Иуда войтыр вылӧ да Ерусалимын олысьяс вылӧ став шогсӧ, мый Ме шуи мӧдӧдны. Ме ӧлӧдлі найӧс, но найӧ эз кывзыны, Ме чуксалі найӧс, но найӧ эз вочавидзны».

Еремей 35:13

«Господь Саваоф, Израильлӧн Ен, тадзи висьталӧ: мун да висьтав Иудаын да Ерусалимын олысьяслы: ті ӧмӧй онӧ кӧсйӧй сибӧдны Менсьым туйдӧдӧмӧс, онӧ ӧмӧй кывзӧй Менсьым кывъясӧс? – висьталӧ Господь. –

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Исай 1:5

Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ.

Шусьӧгъяс 1:7

Тӧдӧмлуныс чужӧ Господьысь полӧмсянь, [Сыысь полӧмӧн олысь – вежӧра морт, Господьӧс пыдди пуктӧмсянь чужӧ вежӧрлуныс,] сӧмын вежӧртӧм йӧз мустӧмтӧны мывкыдлунсӧ да велӧдӧмсӧ.

2 Тимофейлы 3:16

Ставнас Гижӧдыс Ен Ловсянь да вайӧ сӧмын бур. Сійӧ велӧдӧ, янӧдӧ, вежӧ да туйдӧдӧ веськыд олӧмас,

Еремей 13:25

Со мый виччысьӧ тэнӧ, Ерусалим, со мый Ме дасьті тэныд, – висьталӧ Господь, – ӧд тэ вунӧдін Менӧ, тэ лача кутін ылӧгыс вылӧ.

Езекиль 22:24

«Морт пиӧй, висьтав Израиль мулы, мый сійӧс абу сӧстӧммӧдӧма, сы вылӧ зэрсӧ абу кисьтӧма, ӧд воис Менам скӧралан луныс.

Исай 9:12

Асыввывсянь локтісны арамейяс, рытыввывсянь – филистимсаяс, найӧ жалиттӧг бырӧдісны Израиль войтырӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Софоний 1:6

бырӧда найӧс, кодъяс кежисны Меысь, оз корсьны Менӧ, оз кӧсйыны аддзыны Менӧ, Господьӧс.