Софоний 3:17 - Коми Библия 2023

¹⁷ Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Софоний 3:17 Referans Kwoze

Псалтыр 149:4

Ӧд Господь радейтӧ Ассьыс войтырсӧ, рам сьӧлӧмаясӧс мичмӧдӧ мездмӧмӧн.

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

Исай 12:2

Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».

Индӧд 30:9

Господь, тіян Енныд, сетас тіянлы унасьыс-уна бурсӧ: уна ныв-пи, уна ыж-мӧс да уна мувыв быдтас-вотӧс. Тіян ставыс артмас. Господь [тіян Енныд] кутас бара нимкодясьны тіян вӧсна да тіян бур олӧмныд вӧсна, кыдзи Сійӧ нимкодясис батьясныд вӧсна.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Иоан 15:11

Тайӧс Ме висьталі, медым Менам нимкодьлунӧй вуджис тіянлы да тыртіс сьӧлӧмнытӧ.

Исай 65:19

Ме понда нимкодясьны Ерусалимӧн, долыда нимкодясьны Аслам войтырӧн. Сэні некор оз кут кывны бӧрдӧм-горзӧм.

Лыд 14:8

Ми кӧ лоам Господьлы шогманаӧсь, Сійӧ вайӧдас миянӧс сэтчӧ да сетас миянлы тайӧ мусӧ, кӧні визувтӧ йӧв да ма.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Лука 15:32

Вокыд вӧсна колӧ гажӧдчыны-нимкодясьны, ӧд сійӧ вӧлі кулӧма, а ӧні ловъя, вӧлі вошӧма, а ӧні сюрис”».

Софоний 3:5

Но Господь веськыд, Сійӧ веськыда вӧчӧ тайӧ карас. Быд асыв Сійӧ петкӧдлӧ Ассьыс веськыда мыждӧмсӧ, но лёк вӧчысь яндзим оз тӧд.

Иоан 13:1

Тайӧ вӧлі Ыджыд лун водзвылын. Исус тӧдіс нин, мый Сылы воис кад мунны тайӧ муюгыдсьыс Батьыс дінӧ. Исуслы вӧлі мусаӧсь найӧ, кодъяс эскисны Сылы, Сійӧ помӧдзыс петкӧдліс на дінӧ Ассьыс муслунсӧ.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Олӧм 18:14

Но эм-ӧ мыйкӧ Господьлы вермытӧмыс? Индӧм кадӧ во мысти Ме бара вола тэ ордӧ. Сэки Сарраыдлӧн лоас пи».

Исай 18:4

Господь меным тадзи висьталіс: Аслам оланінсянь Ме лӧня видзӧда луншӧркадся гож моз, вундан кадӧ шонді пӧжигӧн кыптысь ру моз.

Олӧм 17:1

Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.

Олӧм 1:31

Ен видзӧдліс Аслас вӧчӧмторъяс вылӧ и аддзис, мый ставыс вывті бур. Вӧлі рыт, вӧлі асыв – квайтӧд лун.

Исай 63:1

– Коді тайӧ Эдомсянь локтысьыс, Восорасянь чим гӧрд паськӧма локтысьыс? Коді Сійӧ, мича паськӧмӧн вӧччӧмаыс, Аслас ыджыд вынӧн локтысьыс? – Тайӧ – Ме, веськыдлунсӧ Юӧртысь, вына Мездысь.

Исай 63:12

Кӧні Сійӧ, коді нуӧдіс Мӧисейӧс Аслас вына кинас? Кӧні Сійӧ, коді шӧри поткӧдіс саридзсӧ Аслас войтыр водзын, медым нимӧдны Асьсӧ нэмъяс чӧж?

Олӧм 2:2

Став Ассьыс уджсӧ помалӧм бӧрын Ен шойччис сизимӧд луннас.

Осий 14:4

Ассур миянӧс оз мезды, вӧвъяс вылӧ лачанымӧс огӧ нин кутӧй, киӧн вӧчӧмторъяснымӧс ми огӧ нин шуӧй асланым енмӧн, ӧд Тэ дінысь батьтӧмъяс аддзӧны буралӧмсӧ.

Йоиль 2:21

Эн пов, муӧй, гажӧдчы да нимкодясь, ӧд Господьлӧн уджъясыс ыджыдӧсь.

Индӧд 23:15

«Кесйӧгӧс, коді пышйис аслас ыджыдыс дорысь тіян дінӧ, ыджыдыслы энӧ сетӧй.