Софоний 1:17 - Коми Библия 2023

¹⁷ Ме дзескӧда йӧзсӧ, найӧ кутасны шӧйтны-ветлыны синтӧм моз, ӧд найӧ мыж вӧчисны Господьлы паныд. Налысь вирсӧ кояласны пӧимӧс моз, налысь вир-яйсӧ разӧдасны куйӧдӧс моз.

Софоний 1:17 Referans Kwoze

Микей 7:13

А сэтчӧс муыс лоӧ овтӧминӧн сэні олысьяслӧн лёк уджъясныс вӧсна.

Восьтӧм 3:17

Тэ шуан: ”Ме озыр, ме ёна нин озырми, менам ставыс эм”. Но тэ ӧмӧй он гӧгӧрво, мый тэ – коньӧрсьыс-коньӧр, шудтӧм, гӧль, синтӧм да пасьтӧм.

Псалтыр 83:10

Енмӧй, миянӧс Дорйысьӧй, видзӧдлы Аслад Мавтыштӧмаыд вылӧ.

1 Иоан 2:11

Воксӧ мустӧмтысь ветлӧ пемыдас, сійӧ оз тӧд, кытчӧ мунӧ, ӧд пемыдыс тупкӧма сылысь синсӧ.

2 Петыр 1:9

Кодлӧн тайӧ абу, сійӧ синтӧм, нинӧм оз аддзы, сійӧ вунӧдӧма, мый сійӧс мыськалӧма важ мыжъяссьыс.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

Римӧ 11:7

Сідзкӧ, мый артмӧ? Израиль эз аддзы, мый корсис, сӧмын бӧрйӧмаяс аддзисны. Мукӧдыс чорзьӧдчисны,

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».

Амос 4:10

Ме ысті тіян вылӧ пӧрӧс висьӧм, кыдзи коркӧ ысті Египет вылӧ. Ме виалі шыпуртӧн зонъяснытӧ, вӧрӧгныдлы сеті вӧвъяснытӧ. Тышкайӧзныдлӧн чукӧртчанінын шойяссянь дукыс пуркйис тіян ныр-вомӧдз. Но ті энӧ бергӧдчӧй Ме дінӧ, – висьталӧ Господь. –

Бӧрданкыв 2:21

Челядьлӧн и пӧрысьлӧн шойныс туплясьӧ туйяс вылын, менсьым ныв-зонмӧс шыпурт бырӧдіс. Тэ виалін найӧс Аслад скӧралан лунӧ, жалиттӧг начкин найӧс.

Бӧрданкыв 1:18

Господь веськыд, но ме кыпӧдчи Сылы паныд. Кывзӧй, войтыръяс, видзӧдлӧй менам дой вылӧ: менсьым ныв-зонмӧс нуӧдісны пленӧ.

Бӧрданкыв 1:14

Господь Аслас киӧн кыис менам мыжъясысь сийӧс, ӧшӧдіс сійӧс меным сьыліӧ, тадзи уськӧдіс менӧ эбӧсысь. Господь сетіс менӧ вӧрӧг киӧ, сы водзын ме ог вермы сулавны.

Бӧрданкыв 1:8

Ыджыд мыж вӧчис Ерусалим, та вӧсна сійӧс ӧтдортӧны. Сійӧс пыдди пуктысьяс ӧні мустӧмтӧны сійӧс, ӧд аддзӧны сылысь яналӧмсӧ. Чужӧмсӧ бергӧдӧмӧн Ерусалим сьӧкыда ышлолалӧ.

Еремей 18:21

Господьӧй, меным паныд сувтысьяслӧн пияныс мед тшыгъяласны, найӧ мед куласны шыпуртысь. Налӧн гӧтыръясныс мед лоӧны дӧваясӧн, найӧ мед воштасны челядьнысӧ. Меным паныд сувтысьясӧс мед суас кулӧм, налӧн зонъясыс тышын мед куласны шыпуртысь.

Еремей 15:3

Ме мӧдӧда тайӧ войтырыс вылӧ нёль мыждӧм, – висьталӧ Господь. – Шыпурт виас найӧс, понъяс кыскаласны шойяссӧ, кырныш-варыш кокаласны, зверъяс бырӧдасны коляссӧ.

Еремей 10:18

Ӧд Господь тадзи висьталӧ: тайӧ муас олысьясӧс ӧні Ме вӧтла, дзескӧда найӧс сідзи, медым тӧдісны.

Еремей 4:18

Тэнад туйясыд да уджъясыд вайисны тэныд шогсӧ, лёк вӧчӧмсьыд сьӧлӧмыд тырӧма курыд шогӧн.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 2:17

Но таысь тэ ачыд мыжа, ӧд тэ эновтін Господьӧс, ассьыд Ентӧ, кор Сійӧ нуӧдіс тэнӧ.

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Исай 29:10

Ӧд Господь мӧдӧдіс тіян пытшкӧ унзіль, тупкис тіянлысь синнытӧ – пророкъяснытӧ, вевттис тіянлысь юрнытӧ – тӧдысь-аддзысьяснытӧ.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Езекиль 16:38

Ме мыжда тэнӧ верӧс вывті ветлысь гӧтырӧс да морт виысьӧс моз. Скӧралӧмӧн да вежӧгтӧмӧн кисьта тэнсьыд виртӧ.

Езекиль 24:7

Ерусалим кар тырӧма вирӧн, вир кисьтісны изъяс вылӧ, муыс эз тупкы сійӧс.

Езекиль 24:8

Ме коли вирсӧ изъяс вылас, эг вевттьы сійӧс, медым скӧрмӧмӧн водзӧс перйыны Ерусалимын олысьяслысь.

Еремей 3:25

Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.