Шусьӧгъяс 8:17 - Коми Библия 2023

¹⁷ Менӧ радейтысьӧс ме радейта, менӧ корсьысь аддзас менӧ.

Шусьӧгъяс 8:17 Referans Kwoze

Иоан 14:23

Исус вочавидзис: «Коді радейтӧ Менӧ, сійӧ олӧ Менам кывъяс серти. Менам Батьӧй радейтӧ сійӧс, и Ми Батькӧд локтам да овмӧдчам сы ордӧ.

Иоан 14:21

Коді видзӧ сьӧлӧмас Менсьым тшӧктӧмъясӧс да олӧ на серти, сійӧ радейтӧ Менӧ. Коді Менӧ радейтӧ, сійӧс Менам Батьӧй радейтӧ. Ме сійӧс тшӧтш радейта да восся сылы».

Псалтыр 91:14

Найӧс вужйӧдӧма Господьлӧн керкаын, найӧ дзоридзалӧны миян Енлӧн йӧръясын.

Исай 55:6

Корсьӧй Господьӧс, кор позьӧ на аддзыны Сійӧс, шыасьӧй Сы дінӧ, кор Сійӧ матын.

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.

1 Иоан 4:19

Кутамӧй радейтны Енмӧс, ӧд медводз Сійӧ радейтіс миянӧс.

Исай 45:19

Ме эг гусьӧн висьтав, эг пемыдінын сёрнит, Яковсянь чужысьяслы Ме эг тшӧктывлы корсьны Менӧ кушинысь. Ме – Господь, Ме сёрнита веськыда, висьтала-юӧрта збыльсӧ.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Иоан 16:27

Ті асьныд мусаӧсь Батьлы, ӧд ті радейтанныд Менӧ да эсканныд, мый Ме локті Енсянь.

Марк 10:14

Исус казяліс тайӧс да чорыда шуис налы: «Лэдзӧй челядьсӧ локны Ме дінӧ. Энӧ кутӧй найӧс. Енлысь Юраланінсӧ ӧд на коддьӧмлы лӧсьӧдӧма.

Шусьӧгъяс 1:28

Сэки ті кутанныд чуксавны менӧ, а ме ог кыв, кутанныд корсьысьны менӧ, но онӧ аддзӧй.

Еклесиаст 12:1

Эн вунӧд ассьыд Вӧчысьтӧ том каднад, ӧд кор воасны сьӧкыд лунъяс да вояс, сэки сьӧлӧмтӧ нинӧм оз кут гажӧдны.

Иоан 7:37

Бӧръя медыджыд гажӧдчан лунӧ Исус сувтіс да гораа шуис: «Кодлӧн горшыс косьмӧ, мед локтӧ Ме дінӧ да юӧ!

2 Каднебӧг 34:3

Аслас кӧкъямысӧд ӧксыалан воӧ, кор сійӧ вӧлі дзик на том, сійӧ кутіс корсьны аслас Давид пӧльлысь Енсӧ. А дас кыкӧд веськӧдлан воӧ сійӧ пондіс сӧстӧммӧдны Иуда му да Ерусалим кар. Сійӧ бырӧдіс вись ваян мылькъяс, юрбитан пуяс, идолъясӧс да бӧлбанъясӧс.

Шусьӧгъяс 2:4

эзысьӧс моз кӧ кутан корсьны сійӧс и донасьыс-донаторйӧс моз корсьысьны,

Шусьӧгъяс 2:5

сэки тӧдмалан, мый сійӧ Господьысь полӧмыс, да гӧгӧрвоан, мый сійӧ Енсӧ тӧдӧмыс.

Шусьӧгъяс 4:6

Эн эновт мывкыдлунсӧ, и сійӧ видзас тэнӧ, радейт мывкыдлунсӧ, и сійӧ доръяс тэнӧ.

Шусьӧгъяс 8:16

Ме отсӧгӧн юралӧны юралысьяс, веськӧдлысьяс да ёрдысьяс.

Сьылан 3:4

Муртса вешйи на дінысь, и ме аддзи ассьым радейтанаӧс. Ме шашаритчи сыӧ, эг лэдз ас дінысь, ме вайӧді сійӧс мам керкаӧ, пырті менӧ чужтысьлӧн вежӧсӧ.

Иоан 5:4

Господьлӧн анделыс корсюрӧ лэччывліс вайӧртӧдӧ гызьӧдны васӧ. Гызьӧм ваӧ медводдза пырысьыс быдпӧлӧс висьӧмысь бурдліс.