Шусьӧгъяс 7:1 - Коми Библия 2023

¹ Пиӧй, видз менсьым кывъясӧс, тшӧктӧмъясӧс дзеб сьӧлӧмад. [Пиӧй, вылӧ пукты Господьӧс, сэки ён лоан, Сыысь кындзи некодысь эн пов.]

Шусьӧгъяс 7:1 Referans Kwoze

Шусьӧгъяс 1:8

Пиӧй, кывзы батьыдлысь велӧдӧмсӧ, эн ӧтдорт мамыдлысь туйдӧдӧмсӧ.

Восьтӧм 1:3

Шуда сійӧ, коді лыддьӧ да кывзӧ тайӧ водзвыв висьталӧмыслысь кывъяссӧ да олӧ на серти, ӧд кадыс матын нин.

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Восьтӧм 22:9

Но андел шуис меным: «Эн вӧч тайӧс! Ме кесъяла Енмыслы тэ моз, пророкъяс-вокъясыд моз да на моз, кодъяс олӧны тайӧ небӧгас гижӧм серти. Енмыслы копыртчыв!»

Иоан 14:23

Исус вочавидзис: «Коді радейтӧ Менӧ, сійӧ олӧ Менам кывъяс серти. Менам Батьӧй радейтӧ сійӧс, и Ми Батькӧд локтам да овмӧдчам сы ордӧ.

Иоан 15:20

Кутӧй тӧд выланыд Менсьым кывъясӧс: кесйӧг абу ыджыдджык аслас ыджыдысь. Менӧ кӧ вӧтлісны, вӧтласны тшӧтш тіянӧс. Менсьым кывъясӧс кӧ кывзісны, кывзасны тшӧтш тіянлысь.

Шусьӧгъяс 3:1

Пиӧй, эн вунӧд менсьым туйдӧдӧмӧс, сьӧлӧмад видз менсьым тшӧктӧмъясӧс,

Иов 22:22

Сибӧд Енмыслысь туйдӧдӧмсӧ, пукты Сылысь кывъяссӧ сьӧлӧмад.

Лука 8:15

Бур муӧ кӧдзӧм кӧйдысыс петкӧдлӧ: мортыс кылӧ Енлысь кывсӧ, видзӧ сійӧс бур-сӧстӧм сьӧлӧмас да сьӧкыдлунсӧ венӧмӧн вайӧ вотӧс». Тайӧс висьталӧм бӧрын Исус горӧдӧмӧн шуис: «Кодлӧн эм пель, мед кылӧ!»

Индӧд 11:28

Ёрӧмыс лоӧ тіянлы, ті кӧ онӧ кутӧй овны асланыд Господь Енлӧн индӧд-тшӧктӧмъяс серти, кежанныд кӧ туйсьыс, кытчӧ ме веськӧда тіянӧс талун, да мунанныд тіянлы тӧдтӧм енъяс бӧрся.

Шусьӧгъяс 10:14

Мывкыдаяс тӧдӧмлунсӧ видзӧны, вежӧртӧм мортлӧн сёрниыс бырӧдӧм вайӧ.

Шусьӧгъяс 4:21

Эн вешты кывъясӧс син водзсьыд, видз найӧс сьӧлӧмад,

Шусьӧгъяс 6:20

Пиӧй, видз батьыдлысь тшӧктӧмъяссӧ, эн ӧтдорт мамыдлысь туйдӧдӧмсӧ.

Шусьӧгъяс 6:35

оз босьт некутшӧм дон, оз сайкав, кӧть кутшӧм козин сылы он сет.

Шусьӧгъяс 5:5

Сылӧн кокыс вайӧдӧ кулӧмӧ, воськовъясыс помасьӧны пыдӧстӧминын.