Шусьӧгъяс 6:9 - Коми Библия 2023

⁹ Дыр-ӧ на тэ, дышӧдчысь, пондан узьны, кор нин палялан аслад унмысь?

Шусьӧгъяс 6:9 Referans Kwoze

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Псалтыр 94:8

энӧ чорзьӧдӧй сьӧлӧмнытӧ, кыдзи ті вӧчинныд овтӧминын, Мерива да Масса дорын.

Римӧ 13:11

Тадзи вӧчӧй, ті ӧд тӧданныд, мый воис нин кад садьмыны миянлы. Мездмӧмыс ӧні ёна нин матын сэкъя дорысь, кор ми сӧмын на пондім эскыны.

Шусьӧгъяс 1:22

«Дыр-ӧ на ті, мывкыдтӧмъяс, кутанныд овны мывкыдтӧма, ті, омӧльтысьяс, – омӧльтны мывкыдлунсӧ, а ті, вежӧртӧмъяс, – мустӧмтны тӧдӧмлунсӧ?

Иоан 1:6

Ен мӧдӧдіс Иоан нима мортӧс.

Шусьӧгъяс 6:6

Дышӧдчысь, видзӧд кодзувкот бӧрся, видзӧд, кыдзи сійӧ уджалӧ. Вежӧрсяв!

Шусьӧгъяс 6:8

но сійӧ гожӧмнас дасьтӧ сёянсӧ, вундан кадӧ чукӧртӧ няньсӧ. [Либӧ ветлы видзӧдлы мазі вылӧ, кутшӧм сійӧ зіль. Сійӧ вӧчӧ бур удж, вайӧ дзоньвидзалун ӧксыяслы да прӧстӧй йӧзлы. Быдӧн сійӧс радейтӧ да ошкӧ, мед кӧ сылӧн выныс этша, но мывкыдлуныс уна.]

Шусьӧгъяс 6:10

Узьыштан, вугралыштан, китӧ сюркнялӧмӧн пукалыштан,

Шусьӧгъяс 19:15

Дышӧдчигад унзіль личкывлӧ, дыш морттӧ тшыгъялӧм суӧ.

Шусьӧгъяс 20:13

Узьнытӧ кӧ радейтан – гӧльман, синтӧ кӧ он куньлы – пӧттӧдзыд сёян.

Шусьӧгъяс 26:14

Ӧдзӧсыд бергалӧ дзир вылас, дыш мортыд – вольпасяс.

Еклесиаст 4:5

Вежӧртӧм морт кисӧ сюркнялӧмӧн пукалӧ, ачыс асьсӧ бырӧдӧ.