Шусьӧгъяс 6:17 - Коми Библия 2023

¹⁷ ыкша син, пӧръясьысь кыв, мыжтӧмлысь вир кисьтысь ки,

Шусьӧгъяс 6:17 Referans Kwoze

Шусьӧгъяс 12:22

Пӧръясьысь мортыд Господьлы зывӧк, збыльсӧ висьталысьыд шогмана Сылы.

Исай 1:15

Ті нюжӧданныд Мелань кинытӧ, но Ме ог кӧсйы аддзыны тіянӧс. Ті ёна кевмысянныд, но Ме ог кыв тіянӧс. Тіян киныд вирӧсь.

Псалтыр 101:5

Менам сьӧлӧмӧй дойысла дзикӧдз топаліс, сійӧ турун моз косьмис. Ме вунӧдла весиг сёйнысӧ,

Псалтыр 5:6

вылӧ кыпӧдчысь оз ло Тэнад син водзын. Лёк вӧчысьӧс Тэ мустӧмтан,

Исай 3:9

Налӧн чужӧмас гижӧма, мый найӧ – лёк вӧчысьяс. Содомын олысьяс моз найӧ восьсӧн да яндысьтӧг ошйысьӧны асланыс мыжъясӧн. Курыд шог налы! Найӧ асьныс ӧшлӧны ас выланыс лёксӧ.

Шусьӧгъяс 21:4

Лёк вӧчысьлӧн биыс – тшаплун да вылӧ кыпӧдчӧм, но тайӧ мыж.

Индӧд 27:25

”Ёрӧм улӧ веськалӧ быдӧн, коді босьтӧ козин, медым вины мыжтӧмӧс”. И став войтырыс мед шуас: ”Мед лоӧ тадзи!”

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Исай 3:16

Господь шуис: сионса нывъяс тшапӧсь, ветлӧдлӧны юрнысӧ чатӧртӧмӧн, ыштӧдӧны видзӧдласнаныс, восьлалӧны дзирнясьӧмӧн, зёльгӧны кокнысӧ мичмӧдан чепъясӧн.

Шусьӧгъяс 26:28

Ылӧдчысь мустӧмтӧ мортӧс, кодӧс дойдаліс, леститчан кывйыд бырӧдӧм дасьтӧ.

Ӧксыяслӧн 4 небӧг 24:4

Манассей кисьтіс мыжтӧм йӧзлысь вирсӧ сы мында, мый Ерусалим тырис вирӧн. Та вӧсна Господь эз прӧстит сійӧс.

Индӧд 19:10

Энӧ кисьтӧй мыжтӧмлысь вирсӧ сійӧ муас, мый Господь, тіян Енныд, сетас тіянлы. Кисьтанныд кӧ мыжтӧмлысь вирсӧ, мыжыс лоӧ тіян вылын.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Шусьӧгъяс 30:13

Курыд шог налы, кодъяс асьнысӧ лэптӧны да вылісянь видзӧдӧны.

Шусьӧгъяс 14:5

Эскана аддзылысь-висьталысь оз ылӧдчы, пӧръялысь абутӧмсӧ висьталӧ.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Шусьӧгъяс 17:7

Вежӧртӧмлы оз лӧсяв тӧдчана сёрни нуӧдны, пыдди пуктана мортлы – пӧръясьны.

Шусьӧгъяс 1:11

да шуны: «Мунам миянкӧд, кыйӧдам да виам мыжтӧмӧс,

Псалтыр 131:1

Крамӧ мунігӧн сьылӧм. Господьӧй, эн вунӧд Давидӧс, эн вунӧд сылысь сьӧкыд нуӧмсӧ.

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Шусьӧгъяс 1:16

Налӧн кокныс котӧртӧ лёксӧ вӧчны, тэрмасьӧ вир кисьтны.

Шусьӧгъяс 6:16

Со, квайттор, мый мустӧмтӧ Господь, весиг сизимтор, мый зывӧктӧ:

Шусьӧгъяс 28:17

Вир кисьтысь пондас кувтӧдзыс пышъявны – энӧ кутӧй сійӧс.

Еремей 26:15

Сӧмын тӧдӧй, ті кӧ вианныд менӧ, сэки тіянлы, тайӧ карыслы да карас олысьяслы ковмас кывкутны мыжтӧм мортлӧн вирысь. Тіян дінӧ менӧ збыльысь мӧдӧдіс Господь, медым ме юӧрті став тайӧ кывъяссӧ».

Ӧксыяслӧн 4 небӧг 21:16

Манассей кежӧдіс Иуда войтырӧс мыжас, и найӧ вӧчисны Господь водзын шогмытӧмсӧ. Тайӧ мыжсьыс ӧтдор Манассей кисьтіс мыжтӧм йӧзлысь вирсӧ сы мында, мый Ерусалим помсянь помӧдзыс тырис вирӧн.

Псалтыр 5:7

ылӧдчысьӧс Тэ бырӧдан, вир кисьтысьӧс да наян мортӧс Тэ, Господьӧй, зывӧктан.

Шусьӧгъяс 16:5

Господь зывӧктӧ ыкша мортӧс, мыждытӧг сійӧс оз коль. [Бур туйыд веськыда вӧчӧмсянь заводитчӧ, вись вайӧм дорысь Енмыслы тайӧ шогманаджык. Господьӧс корсьысь аддзас тӧдӧмлун да веськыдлун, сьӧлӧмсяньыс Господьӧс корсьысь аддзас лӧньлун.]