Шусьӧгъяс 4:7 - Коми Библия 2023

⁷ Олӧмас медся коланаыс – мывкыдлун, корсь сійӧс, ставсӧ сет, медым вежӧрсявны.

Шусьӧгъяс 4:7 Referans Kwoze

Еклесиаст 7:12

Мывкыдлуныд сьӧм моз видзӧ-сайӧдӧ, но тӧдӧмлуныд сьӧм дорысь бурджык, ӧд мывкыдалы сійӧ олӧм сетӧ.

Шусьӧгъяс 23:23

Ньӧб збыльсӧ, эн вузав мывкыдтӧ, велӧдӧмтӧ да вежӧртӧ.

Шусьӧгъяс 16:16

Зарни дорысь бурджык мывкыдлун чӧжны, эзысь чӧжӧм дорысь бурджык вежӧрсявны.

Филипӧ 3:8

Ставсӧ тайӧс пукта нинӧм туйӧ, ӧд Исус Кристосӧс, ассьым Господьӧс, тӧдӧм дорысь нинӧм абу ыджыдджыкыс. Кристос вӧсна эновті ставсӧ, ставсӧ лыддя ёгӧн, медым ме озырми Кристосӧн

Лука 12:20

А Ен шуас сылы: ”Вежӧртӧмӧй, тавой босьтасны тэнсьыд ловтӧ. Кодлы коляс тэнад чӧжӧмаыд?”

Лука 10:42

а коланаыс сӧмын ӧтитор. Марья бӧрйис бурджыксӧ, и тайӧс сылысь оз мырддьыны».

Шусьӧгъяс 21:6

Ылӧдчӧмӧн озырмӧдчӧмыд тӧвру пӧльыштӧм кодь да кулӧмсӧ корсьӧм кодь.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Шусьӧгъяс 4:5

Мывкыдмы, вежӧрсяв, эн вунӧд менсьым кывъясӧс, эн кеж менам шуӧмысь.

Шусьӧгъяс 8:23

Кадсӧ арталӧмыс эз на вӧв, а ме вӧлі нин, му пуксьытӧдзыс на ме вӧлі.

2 Каднебӧг 1:10

Сідзкӧ, сет меным мывкыдлун да вежӧр, медым ме верми нуӧдны тайӧ войтырсӧ. Ӧд вермас-ӧ кодкӧ веськӧдлыны Тэнад уна лыда войтырӧн?»

Шусьӧгъяс 2:4

эзысьӧс моз кӧ кутан корсьны сійӧс и донасьыс-донаторйӧс моз корсьысьны,