Шусьӧгъяс 4:2 - Коми Библия 2023

² Ме велӧда тіянӧс бурас, энӧ вунӧдӧй менсьым туйдӧдӧмӧс.

Шусьӧгъяс 4:2 Referans Kwoze

1 Тимофейлы 4:6

Туйдӧд тадзи вокъястӧ, сэки тэ лоан Исус Кристослӧн бур кесъялысьӧн. Тадзи тшӧтш асьтӧ пӧткӧдан эскӧмлӧн кывъясӧн да бур велӧдӧмӧн, мый серти олан.

Индӧд 32:2

Велӧдӧмӧй зэр моз киссьӧ, сёрниӧй лысва моз усьӧ, быдмӧгӧс моз юкталӧ, турунӧс моз киськалӧ.

Титлы 1:9

Сійӧ мед вӧлі зумыда кутчысьӧма велӧдӧмыслӧн збыль кывъясӧ, кужис веськыд велӧдӧмнас туйдӧдны мукӧдӧс да вермис янӧдны паныд сувтысьӧс.

Иов 33:3

Менам кывъясӧй петӧны веськыд сьӧлӧмысь, менам вомӧй висьталӧ збыльсӧ – сійӧ, мый ме тӧда.

Иов 11:4

Тэ шуин Енлы, мый сёрнитан веськыда, мый Сы водзын тэ сӧстӧм.

2 Каднебӧг 7:19

Но ті кӧ кежанныд Меысь да эновтанныд Менсьым индӧд-тшӧктӧмъясӧс, мый Ме сеті тіянлы, кутанныд кӧ кесъявны да юрбитны мукӧд енъяслы,

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Шусьӧгъяс 3:1

Пиӧй, эн вунӧд менсьым туйдӧдӧмӧс, сьӧлӧмад видз менсьым тшӧктӧмъясӧс,

Еремей 35:8

Ми быдторйын кывзысям миян Ионадав батьнымлысь, ставсӧ вӧчам сылӧн тшӧктӧм серти: ми, миян гӧтыръясным да ныв-пиным огӧ юӧй вина.