Шусьӧгъяс 31:22 - Коми Библия 2023

²² Ачыс шебрасъяс вурӧ, шабді дӧраысь да пемыдгӧрд вурунысь паськӧмсӧ лӧсьӧдӧ.

Шусьӧгъяс 31:22 Referans Kwoze

Восьтӧм 19:8

сійӧ пасьтасьӧма сӧстӧм паськӧмӧ, югъялан шабді паськӧмӧ. Шабді паськӧмыс – тайӧ вежа войтырлӧн веськыд уджъясыс.

Шусьӧгъяс 7:16

Вольпасьӧс мичмӧді египетса уна рӧма дӧраӧн,

Олӧм 41:42

Фараон пӧрччис ассьыс чунькытшсӧ да чунькытшӧдіс Ӧсипӧс. Сэсся сетіс сылы шабді паськӧм, сьыліас ӧшӧдіс зарни сикӧтш.

Восьтӧм 19:14

Сы бӧрся еджыд вӧвъяс вылын мунісны енэжвывса тышкакотыръяс, найӧ вӧлі пасьтасьӧмаӧсь еджыд да сӧстӧм шабді паськӧмӧ.

1 Петыр 3:3

Энӧ тӧждысьӧй мичмӧдны асьнытӧ ортсысяньыс: юрсинытӧ баситӧмӧн, зарни ӧшлӧмӧн да дона паськӧмӧн.

Эсфир 8:15

Кор Мардокей петіс ӧксы дінысь, сы вылын вӧлі ӧксылӧн еджыд да гӧрдовлӧз рӧма паськӧм, вӧсни шабдіысь пемыдгӧрд кышан, юр вылас ыджыд зарни юркытш. Суза карын олысьяс гажӧдчисны да нимкодясисны.

Ёрдысьяс 8:26

Гедеонлы сетӧм зарни исерга чукӧрыс сьӧктанас вӧлі сюрс сизимсё сикель. Исергаяс кындзи вӧрӧглысь вӧлі босьтӧма тӧлысь сяма мичмӧдчанторъяс, сикӧтшъяс, мадианса ӧксыяслысь пемыдгӧрд паськӧм да налӧн верблюдъяслысь голясӧ мичмӧдан [зарни] чепъяс.

Эсфир 5:1

Коймӧд луннас Эсфир [дугдіс кевмысьны, пӧрччис шогалан паськӧмсӧ да] пасьталіс ассьыс ӧксы паськӧмсӧ. [Эсфир лои шензьӧдана мича ӧксы-аньӧн. Ставсӧ аддзысь да мездысь Ен дінӧ шыасьӧмӧн сійӧ босьтіс аскӧдыс кык кесйӧг аньӧс, ӧти вылас сійӧ мыджсис, медым мунны ӧксы-ань восьласӧн, а мӧдыс бӧрсяньыс кутіс сылысь платтьӧ бӧжсӧ. Эсфир дзоридзаліс аслас мичлунӧн. Чужӧм вылас тыдаліс сэтшӧм долыдлун, мый тыдавлӧ муслунӧн тырӧм мортлӧн. Но сьӧлӧмсӧ Эсфирлысь вӧлі топӧдӧма полӧм.] Эсфир локтіс ӧксылӧн пытшкӧс йӧрӧ да сувтіс ӧксы керкаӧ пыранін водзӧ. Ӧксы сэки пукаліс ӧксы керкаын юралан пуклӧсын, пыран ӧдзӧслы воча. [Ӧксыалан паськӧма, зарниӧн да дона изъясӧн мичмӧдӧм ӧксы вӧлі повзьӧдана.] Кор ӧксы аддзис йӧрын сулалысь Эсфир ӧксы-аньӧс, сійӧ бурсьӧлӧмтчис Эсфир дінӧ. [Югъялан чужӧмсӧ бергӧдӧмӧн ӧксы зэв скӧра видзӧдліс. Эсфир ӧксы-аньлӧн вежсис чужӧмыс, сійӧ садьсӧ воштіс да лёсмуніс-усис аслас кесйӧг ань вылӧ. Сэки Енмыс небзьӧдіс ӧксылысь сьӧлӧмсӧ. Ӧксы дзик пыр чеччис аслас юралан пуклӧсысь да сывйыштіс Эсфирӧс. Сывъяс кутіс, кытчӧдз сійӧ эз во ас садяс. Сэсся ӧксы бурӧдігмоз меліа шуаліс: «Эсфир, мый тэкӧд? Ме ӧд тэныд вок кодь. Эн пов. Тэ он кув, ӧд тэ ӧксы-ань. Матыстчы ме дінӧ».]

Лука 16:19

«Вӧлі озыр морт. Сійӧ новліс пемыдгӧрд да шабді паськӧм, быд лун лышкыда гажӧдчис.