Шусьӧгъяс 30:8 - Коми Библия 2023

⁸ вешты ме дінысь ковтӧм сёрни да пӧръясьӧм, гӧльлун да озырлун эн сет меным, тырмымӧн пӧткӧд менӧ няньӧн.

Шусьӧгъяс 30:8 Referans Kwoze

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Лука 11:3

Сет миянлы быд лун кежлӧ няньнымӧс.

Иов 23:12

Сылӧн тшӧктӧмъясысь ме ог ӧтдортчы, Сылысь кывъяссӧ сьӧлӧм бердын видза, аслам кӧсйӧм дорысь вылӧджык на пукта.

Шусьӧгъяс 21:6

Ылӧдчӧмӧн озырмӧдчӧмыд тӧвру пӧльыштӧм кодь да кулӧмсӧ корсьӧм кодь.

Матвей 6:11

Сет миянлы талун кежлӧ няньнымӧс.

Шусьӧгъяс 22:8

Ылӧгсӧ кӧдзысь вундас шог, пом воас сылӧн чорыд дзескӧдӧмлы. [Сьӧлӧмсяньыс сетысьӧс Енмыс радейтӧ, содтас сылы, мый оз судзсьы.]

Ӧксыяслӧн 4 небӧг 25:30

Вавилонса ӧксы сетіс сылы быд лун кежлӧ став коланаторсӧ, и тадзи вӧлі Еконейлӧн олӧм помӧдзыс.

Петӧм 16:35

Израиль пиян сёйисны маннасӧ нелямын во чӧж, кытчӧдз эз воны Ханаан му дорӧдз, кӧні олісны йӧз.

Ап. уджъяс 14:15

«Мый ті вӧчанныд? Ми ӧд тіян кодь жӧ мортъяс. Ми вайим Бур Юӧр тіянлы, медым ті бергӧдчинныд ковтӧм енъяссьыныд ловъя Ен дінӧ, коді вӧчис енэжсӧ, мусӧ, саридзсӧ да ставсӧ, мый сэні эм.

Исай 5:18

Курыд шог налы, кодъяс ылӧг кӧвъясӧн кыскӧны асланьныс лёксӧ, кыз гезйӧн кыскӧны ас бӧрсяньыс мыжсӧ.

Еклесиаст 1:2

Весьшӧрӧ, – шуис еклесиаст, – ставыс весьшӧрӧ, дзик весьшӧрӧ.

Петӧм 16:18

Но мурталігӧн казявлісны, мый уна чукӧртысьлӧн эз вӧв вывтіыс, этша чукӧртысьлӧн эз вӧв тырмытӧмыс. Быдӧн, вӧлӧм, чукӧртӧма колана мында.

Петӧм 16:15

Израиль пиян кор аддзисны тайӧс, пондісны юасьны ӧта-мӧдныслысь: «Мый нӧ тайӧ?» Ӧд найӧ эз тӧдны, мый тайӧ. Мӧисей шуис налы: «Тайӧ нянь. Господь сетӧ сійӧс тіянлы сёйны.

Еремей 52:34

Вавилонса ӧксы сетіс сылы быд лун кежлӧ став коланаторсӧ, и тадзи вӧлі Еконейлӧн олӧм помӧдзыс.

Еремей 37:21

Седекей ӧксылӧн тшӧктӧм серти Еремейӧс йӧртісны ӧксы керка видзысьяслӧн йӧрӧ. Нянь пӧжалысьяслӧн улич вылысь ӧтчыдысь луннас вайлісны сылы ӧти кӧрыш нянь, кытчӧдз карас эз помась няньыс. Тадзи Еремей колис ӧксы керка видзысьяслӧн йӧрӧ.

Шусьӧгъяс 23:5

Чӧвтан синтӧ озырлун вылад, а сійӧ абу нин, сійӧ вӧчӧма аслыс бордъяс да кутш моз лэбзьӧма енэжлань.

Петӧм 16:29

Видзӧдӧй, Господь сетіс тіянлы шойччан лун, та вӧсна квайтӧд лунӧ Сійӧ сетӧ тіянлы няньсӧ кык лун кежлӧ. Сизимӧд лунӧ мед некод оз пет аслас оланінысь».

Олӧм 28:20

Яков кыв сетіс: «Лоас кӧ мекӧд [Господь] Ен да видзас менӧ туйын, сетас меным нянь да паськӧм,

Иоан 2:8

Сэсся шуис налы: «Ӧні гумовтӧй васӧ да мыччӧй сійӧс кӧлысь нуӧдысьлы». Найӧ мыччисны.

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Шусьӧгъяс 30:7

Кыктор ме Тэнсьыд кора, вӧч меным тайӧс менам олігӧн:

Шусьӧгъяс 13:5

Веськыда олысь мустӧмтӧ пӧръясьӧмсӧ, лёк вӧчысь асьсӧ янӧдӧ да пежалӧ.