Шусьӧгъяс 30:3 - Коми Библия 2023

³ мывкыдлунсӧ ме эг тӧдмав, вежа Енмӧс ог тӧд.

Шусьӧгъяс 30:3 Referans Kwoze

Восьтӧм 3:7

«Филадельфия вичкоса анделлы тадзи гиж: Со мый висьталӧ Вежаыс да Збыльыс, код ордын Давидлӧн восьтаныс. Сійӧ восьтӧ, и некод оз вермы тупкыны. Сійӧ тупкӧ, и некод оз вермы восьтны. Сійӧ висьталӧ:

Римӧ 11:33

Енлӧн озырлуныс пыдӧстӧм, Сылӧн мывкыдлуныс да тӧдӧмлуныс шымыртны вермытӧм. Сылӧн мыждана кывъясыс вежӧрӧ тӧрӧдтӧмӧсь, Сылысь туйяссӧ он вермы туявны!

Шусьӧгъяс 9:10

Мывкыдлуныс чужӧ Господьысь полӧмсянь, вежӧрлуныс – вежа Енмӧс тӧдӧмсянь.

Восьтӧм 4:8

Быдӧн на пиысь вӧлі квайт бордъя, а налӧн борд ортсыыс да пытшкӧсладорыс вӧлі тырӧма синъясӧн. Лун и вой найӧ дугдывтӧг шуалӧны: – Вежа, вежа, вежа Господь Ен, Ставсӧвермысь, коді вӧлі, эм и локтас.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 30:11

Вешйӧй туй вылысь, кежӧй ветлан туй вылысь, водзӧ энӧ казьтывлӧй миянлы Израильлӧн вежа Ен йылысь».

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Шусьӧгъяс 30:4

Коді кыпӧдчывліс енэжас да лэччыліс сэтысь? Коді киас вермӧ кутны тӧвсӧ? Коді гартыштіс васӧ дӧраӧн? Коді доргӧгӧраліс мусӧ? Кыдзи сійӧс шуӧны? Кыдзи шуӧны сылысь писӧ? Тӧдан-ӧ?