Шусьӧгъяс 3:32 - Коми Библия 2023

³² Наян сьӧлӧмаыд – зывӧк Господьлы, веськыда олысьыд – Сылӧн ёрт.

Шусьӧгъяс 3:32 Referans Kwoze

Иоан 15:15

Ме ог нин шу тіянӧс кесйӧгъясӧн, ӧд кесйӧг оз тӧд, мый ыджыдыс вӧчӧ. Ме шуа тіянӧс ёртъясӧн, ӧд Ме висьталі тіянлы ставсӧ, мый кывлі Батьсянь.

Шусьӧгъяс 11:20

Наян сьӧлӧма мортыд – Господьлы зывӧк, сӧстӧма олысьыд – шогмана Сылы.

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Шусьӧгъяс 17:15

Лёк вӧчысьӧс дорйысь да мыжтӧм мортӧс мыждысь – Господьлы зывӧктанаӧсь.

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Иов 29:4

Татшӧм бур лунъяс вӧліны менам, кор Енмыс видзис менсьым чомйӧс,

Восьтӧм 2:17

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны дзебӧм манна, сета сылы еджыд из, кытчӧ лоӧ гижӧма вермысьлысь выль нимсӧ. Тайӧ нимсӧ кутас тӧдны сӧмын тайӧ изсӧ босьтысьыс».

Лука 16:15

Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».

Шусьӧгъяс 14:10

Сьӧлӧмыд тӧдӧ ассьыс шогсӧ, и долыдлунсӧ мӧдкӧд оз юк.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Исай 41:24

Но ті – нинӧм, ті нинӧм онӧ вермӧй вӧчнысӧ. Зывӧк сійӧ мортыс, коді бӧрйӧ тіянӧс.