24 узьны водігад он кут повны, унмыд лоӧ чӧскыд.
Ме шыася Господь дінӧ, и Сійӧ вочавидзас меным Аслас вежа керӧссянь.
Тэ сетан менам сьӧлӧмӧ нимкодьлунсӧ ёна унджык на дорысь, кодъяслӧн тырмымӧн [вый,] нянь да вина.
Кутан мунны – и найӧ нуӧдасны тэнӧ, водан узьны – и видзасны тэнӧ, садьман – и пондасны сёрнитны тэкӧд.
Ме садьми да восьті синмӧс, менам вӧтӧй вӧлі сьӧлӧм серти.
тэ водан шойччыны, и некод тэнӧ оз повзьӧд, унаӧн кутасны тэнсьыд отсӧг корны.
Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.
Тэ кутан пӧткӧдчыны аслад кипом уджъясысь, тэ шуда лоан, тэнад ставыс лоӧ бур.
Ме Ачым кута видзны ыж чукӧрӧс, Ме Ачым шойччӧда найӧс, – висьталӧ Господь Ыджыдыс. –
Петкӧдан лунлы паныда войӧ Петыр узис кык шыпурта костын. Сійӧс вӧлі дорӧма кык чептӧн, а дзескыдін ӧдзӧс дорын сулалісны видзысьяс.
медым пуксьӧдны сійӧс ӧксыяскӧд ӧтвыв, Аслас войтырлӧн ӧксыяскӧд ӧтвыв.
Но менӧ кывзысь пондас овны повтӧг да лӧня, сылы оз ков повны лёксьыс».
Ме аддзи шонді улас ыджыд лёктор – озырлун чукӧртӧмыд бурсӧ оз вай.
Иосафат ӧксылӧн му вылӧ пуксис лӧнь олӧм, сылӧн Енмыс быд боксянь сетіс сылы лӧньлун.
Ме вода, узя да чечча, ӧд Господь видзӧ менӧ.
Господьӧй, Тэ гажӧдан менӧ Аслад уджъяснад. Ме нимкодяся Тэнад киӧн вӧчӧмторъясысь.
Господьысь полӧмыд олӧмтӧ видзӧ, сэки и чӧскыда узян, и лёкыс оз су тэнӧ.
Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.
Ме кӧртала накӧд лӧньлун вайысь йитӧд, бырӧда зверъясӧс налӧн муысь, медым Менам ыжъясӧй вермисны повтӧг овны овтӧминын да узьны вӧрын.
Пуяс кутасны вайны вотӧс, муыс сетас ассьыс быдтас. Менам войтырӧй кутас повтӧг овны аслас му вылын. Ме жугӧда налӧн сьылі вылысь сийӧссӧ да мезда найӧс нартитысьяслӧн кипод улысь. Сэки найӧ тӧдмаласны, мый Ме – Господь.
