Шусьӧгъяс 29:6 - Коми Библия 2023

⁶ Лёк мортлӧн мыжыс сійӧс асьсӧ тывйыштӧ, а веськыда олысь гажӧдчӧ да нимкодясьӧ.

Шусьӧгъяс 29:6 Referans Kwoze

2 Тимофейлы 2:26

Сэки найӧ мынасны омӧльыслӧн налькйысь, ӧд омӧльыс кыйӧма найӧс, медым веськӧдлыны наӧн.

Еклесиаст 9:12

Мортыд оз тӧд ассьыс оландырсӧ. Тывйыштӧм чериӧс моз, дзугйӧ гартчӧм лэбачӧс моз мортсӧ лоӧ тывйыштӧма сьӧкыд кадӧ, мый виччысьтӧг суас сійӧс.

Петӧм 15:1

Сьыла Господьлы, ӧд Сійӧ ыджыд. Вӧвъясӧс да верзьӧмаясӧс Сійӧ саридзын пӧдтіс!

Псалтыр 118:15

Ме тӧдмала-туяла Тэнсьыд тшӧктӧмъястӧ, тӧд вылам кута Тэнсьыд туйястӧ.

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

1 Петыр 1:8

Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.

Яков 1:2

Вокъяс, долыда нимкодясьӧй, кор тіянлы ковмас нуны быдпӧлӧс сьӧкыдсӧ.

Шусьӧгъяс 12:13

Лёк мортӧс тывъялӧ вомсьыс петан мыжыс, а веськыда олысь мынӧ шогсьыс. [Рам морт дінӧ Енмыс буралӧ, а коді мӧдӧс ёрд водзӧ кыскӧ, мыжалӧмнас сійӧс дзескӧдӧ.]

Шусьӧгъяс 5:22

Лёк вӧчысьӧс сылӧн вӧчӧмторъясыс кыйӧны, мыжыслӧн кӧртӧдӧ сійӧ ачыс шедӧ.

1 Иоан 1:4

Ми гижам та йылысь, медым ті верминныд тырвыйӧ нимкодясьны.

Ёрдысьяс 20:41

Израильса тышкайӧз бӧр бергӧдчисны, а Венямин чужанкотырлӧн тышкайӧзыс шӧйӧвошисны, ӧд гӧгӧрвоисны, мый найӧс суис.

Шусьӧгъяс 22:5

Ылӧдчысьлӧн туйыс лежнӧга, тывъясӧн зэвтӧма, тэныд кӧ олӧмыд дона, эн мун сэтчӧ.

Шусьӧгъяс 10:28

Веськыда олысь долыда виччысьӧ, а лёк вӧчысьлӧн лачаыс абу.