Шусьӧгъяс 28:5 - Коми Библия 2023

⁵ Лёк йӧз веськыда мыждӧмсӧ оз гӧгӧрвоны, а Господьӧс корсьысьяс сійӧс бура вежӧртӧны.

Шусьӧгъяс 28:5 Referans Kwoze

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Шусьӧгъяс 24:7

Вежӧртӧмлы мывкыдлуныс гӧгӧрвотӧм, карса дзиръя дорын чукӧртчӧм йӧз водзын сылы нинӧм шунысӧ.

Шусьӧгъяс 15:24

Мывкыд мортыд олӧмыслӧн туйӧд кайӧ, кулӧмаяслӧн оланінысь ылӧджык кежӧ.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Шусьӧгъяс 2:9

Тэ кӧ кывзан менӧ, сэки гӧгӧрвоан, мый сэтшӧм веськыдлуныс, веськыда вӧчӧмыс да збыльыс, тӧдмалан бурыслысь туйсӧ.

Исай 6:9

Господь шуис: «Мун да висьтав тайӧ войтырыслы: пельнаныд кутанныд кывзыны да онӧ гӧгӧрвоӧй, синнаныд кутанныд видзӧдны да онӧ аддзӧй.

Исай 44:18

Идолъясӧс вӧчысьяс нинӧм оз тӧдны да оз гӧгӧрвоны, налысь синнысӧ да вежӧрнысӧ тупкӧма, найӧ оз аддзыны да оз гӧгӧрвоны.

Исай 1:3

Ӧш тӧдӧ, кодлӧн сійӧ, осёл тӧдӧ ассьыс вердысьсӧ, но Израиль оз тӧд [Менӧ], Менам войтырӧй оз гӧгӧрво, коді сійӧс пӧткӧдӧ.

Амос 3:10

Дзескӧдӧмӧн да мырддялӧмӧн найӧ чукӧртӧны озырлун асланыс ыджыд керкаясӧ, веськыда вӧчны найӧ оз кужны, – висьталӧ Господь. –