Шусьӧгъяс 28:2 - Коми Библия 2023

² Войтырыс кӧ лёк вӧчӧмӧн олӧ, сэки веськӧдлысьыс уна, но сюсь вежӧра юралысь дырйи канмуыслӧн нэмыс кузь.

Шусьӧгъяс 28:2 Referans Kwoze

Ӧксыяслӧн 3 небӧг 15:28

Надавӧс виӧм бӧрын Ваас пуксис сы пыдди ӧксыӧ. Тайӧ вӧлі иудаса Аса ӧксылӧн коймӧд веськӧдлан воӧ.

Осий 13:11

Скӧрмӧмпырысь Ме сеті тэныд ӧксыӧс, лӧгалӧмпырысь бӧр босьті сійӧс.

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Исай 58:12

Тэ выльысь кыпӧдан важӧн пазӧдӧм каръяс, лэптан керкаяс важ подувъяс вылӧ. Тэнӧ пондасны шуны карса стенъяс дзоньталысьӧн, туйяс восьтысь-лӧсьӧдысьӧн.

Еклесиаст 9:15

Сійӧ карас оліс гӧль, но мывкыд морт. Аслас мывкыдлунӧн сійӧ мездіс карсӧ, но бӧрыннас ставныс вунӧдісны тайӧ гӧль мортсӧ.

Ӧксыяслӧн 3 небӧг 15:25

Иудаса Аса ӧксылӧн мӧд веськӧдлан воӧ Израиль муын ӧксыӧ пуксис Еровамлӧн Надав пиыс. Кык во чӧж сійӧ юраліс Израильын.

Шусьӧгъяс 11:11

Веськыда олысьяслӧн бурсиӧм пыр карыс кыптӧ, а лёк вӧчысьяслӧн сёрниӧн сійӧ киссьӧ-бырӧ.