Шусьӧгъяс 28:13 - Коми Библия 2023

¹³ Коді дзебӧ мыжъяссӧ, сылӧн нинӧм оз артмы, но коді висьтасьӧ да дугдӧ мыж вӧчны, сы дінӧ Енмыс буралӧ.

Шусьӧгъяс 28:13 Referans Kwoze

Иов 31:33

Мукӧдыс моз кӧ ме вевтти лёк вӧчӧмӧс, питшӧгӧ дзеби мыжӧс,

Иов 33:27

Сьылӧмӧн сійӧ кутас юӧртны йӧзыслы: «Ме мыж вӧчи, эг вӧв веськыд, но Енмыс эз мынтысь меным уджъясӧй серти.

Ап. уджъяс 26:20

Медводз Дамаскын да Ерусалимын, сэсся став Иудея му пасьтала, сэсся нин ентӧдтӧмъяслы висьтавлі, мед бергӧдчасны мыжъяссьыныс Енлань да олӧмнас петкӧдласны тайӧс.

Псалтыр 51:10

А ме Енлӧн керкаын вежӧдысь олив пу кодь, лача кута Енлӧн буралӧмыс вылӧ нэмъяс чӧж.

Олӧм 4:9

Господь [Ен] юаліс Каинлысь: «Кӧні тэнад Авель вокыд?» Мӧдыс вочавидзис: «Ог тӧд. Ме сы бӧрся ог видзӧд».

Шусьӧгъяс 10:12

Лӧглуныд зык-вен чужтӧ, а муслуныд вевттьӧ став мыжсӧ.

Ӧксыяслӧн 1 небӧг 15:30

Саул шуис: «Ме мыжми. Но эн янӧд менӧ Израильлӧн юрнуӧдысьяс водзын да аслам войтыр водзын. Лок, бӧр мунам, и ме копыртчыла Господьлы, тэнад Енлы».

Ӧксыяслӧн 1 небӧг 15:24

Саул вочавидзис Самуиллы: «Ме мыж вӧчи – торки Господьлысь тшӧктӧмсӧ да эг вӧч тэнад шуӧм серти. Ме йӧзсьыс полі, та вӧсна кывзі найӧс.

Шусьӧгъяс 17:9

Коді радейтӧ, сійӧ вунӧдӧ сылы шуӧм лёк кывъяссӧ, коді лёксӧ казьтылӧ, сійӧ воштӧ ассьыс ёртсӧ.

Ӧксыяслӧн 1 небӧг 15:13

Самуил локтіс Саул дінӧ. Кор паныдасис сыкӧд, мӧдыс чолӧмасьӧмӧн шыасис: «Бурсиӧма тэнӧ Господь. Ме ставсӧ вӧчи Господьлӧн тшӧктӧм серти».

Левит 5:5

Коді лои мыжа татшӧмторсӧ вӧчӧмысь, сійӧ мед висьтасяс мыж вӧчӧмсьыс.

Ӧксыяслӧн 2 небӧг 12:13

Давид шуис Нафанлы: «Ме мыжа Господь водзын». Нафан шуис: «Господь ӧні вештіс тэ вылысь мыжтӧ. Тэ он кув.

Ӧксыяслӧн 2 небӧг 14:32

Авессалом вочавидзис: «Ме корлі тэнӧ, мед мӧдӧдны ӧксы дінӧ да юавны сылысь, мыйла сійӧ коркӧ корис менӧ Гешурысь. Меным сэні бурджык вӧлі. Ме кӧсъя аддзысьлыны ӧксыкӧд. Ме кӧ мыжа, мед сійӧ виас менӧ».

Ездра 10:11

Ӧні висьтасьӧй асланыд мыж вӧчӧмысь Господь водзын, батьясныдлӧн Ен водзын. Сылӧн кӧсйӧм серти торйӧдчӧй мукӧд войтыръясысь да налӧн аньясысь».

Неемий 9:2

Израиль войтыр торйӧдчис мукӧд войтыръясысь. Найӧ сувтісны да висьтасисны асланыс мыжъясысь да батьясныслӧн мыжъясысь.

Еремей 2:35

тэ шуалан: «Ме мыжтӧм, оз су менӧ Енлӧн скӧрлуныс». Но Ме мыжала тэнӧ сыысь, мый шуан, ме пӧ мыжсӧ эг вӧчлы.

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Ёрдысьяс 10:15

Израиль пиян шуисны Господьлы: «Ми мыжаӧсь. Вӧч миянкӧд, мый кӧсъян, сӧмын мезды миянӧс талун».

Ӧксыяслӧн 4 небӧг 20:15

«Мый найӧ аддзылісны тэнад керкаысь?» – юаліс Исай. Езекей вочавидзис: «Найӧ аддзылісны ставсӧ. Ме петкӧдлі налы озырлун видзанінъясысь ставсӧ».

2 Каднебӧг 6:26

Израиль войтырлӧн Тэныд паныд мыж вӧчӧм вӧсна кӧ енэжыс оз сет зэрсӧ, но сэсся кӧ найӧ кевмысясны тайӧ крамас, нимӧдасны Тэнӧ да бергӧдчасны мыжсьыныс, мыйысь Тэ мыждін найӧс,

Ездра 10:2

Элам рӧдысь Ехиэллӧн Шеканий пиыс шыасис Ездра дінӧ: «Ми эновтім ассьыным Енмӧс, кор босьтім гӧтыръяснымӧс мукӧд войтырысь. Но Израиль войтырлӧн эм на лачаыс.

Иов 34:31

Морт мед шуас Енмыслы: «Ме нуи сьӧкыдсӧ, водзӧ ог кут вӧчны мыжсӧ.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Иона 3:10

Ен аддзис, мый ниневияса олысьяс эновтчисны лёксьыс. Сэки Сійӧ вештіс мыждӧмсӧ на вылысь да эз бырӧд Ниневия карӧс.