Шусьӧгъяс 28:1 - Коми Библия 2023

¹ Лёк вӧчысь пышйӧ, весиг кӧ сійӧс оз вӧтӧдны, но веськыда олысь лев кодь повтӧм.

Шусьӧгъяс 28:1 Referans Kwoze

Индӧд 28:7

Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд.

Псалтыр 53:5

Локтысь йӧз кыпӧдчисны меным паныд, лёк вӧчысьяс корсьӧны босьтны менсьым олӧмӧс, Енсӧ найӧ нинӧм туйӧ пуктӧны.

Псалтыр 112:7

Коньӧрӧс сійӧ лэптӧ бус пытшкысь, гӧльӧс перйӧ няйтысь,

1 Фессалоникаӧ 2:2

Ті тӧданныд, мый таысь водзджык Филип карын ми уна сьӧкыд нуим, миянӧс янӧдісны да нӧйтісны. Но та вылӧ видзӧдтӧг, Ен отсӧгӧн, восьсӧн да повтӧг висьтавлім тіянлы Сылысь Бур Юӧрсӧ.

Ап. уджъяс 4:13

Кор веськӧдлысьяс да юрнуӧдысьяс аддзисны Петыр да Иоанлысь повтӧмлунсӧ да казялісны, мый найӧ велӧдчытӧм йӧз, ёна шензисны. Гӧгӧрвоисны, мый найӧ вӧлӧмаӧсь Исускӧд.

Ап. уджъяс 14:3

Вокъяс дыркодь олісны сэні да повтӧг висьтавлісны Господь йылысь. На пыр Господь вӧчис шензьӧданаторъяс да петкӧдліс индысьпасъяс, тайӧн вынсьӧдіс Аслас буралӧм йылысь висьталӧмсӧ.

Еремей 20:4

Ӧд Господь тадзи висьталӧ: ”Ме вӧча тэнӧ повзьӧдчанторйӧн аслыд и став тэнад ёртъясыдлы. Тэнад син водзын найӧ усясны вӧрӧглӧн шыпуртысь. Иуда войтырӧс Ме сета вавилонса ӧксы киӧ. Ӧтиясӧс сійӧ нуӧдас Вавилонӧ, а мӧдъясӧс виас шыпуртӧн.

Левит 26:36

Тіян пӧвстысь ловйӧн кольӧмаяс кутасны овны вӧрӧглӧн муын. Сэні Ме тіян сьӧлӧмӧ пукта полӧм. Коръяслӧн кышакылӧмысь ті пышъянныд шыпуртысь моз да усянныд, кӧть вӧтӧдысьыс оз ло.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Ӧксыяслӧн 4 небӧг 7:15

Найӧ вӧтчисны арамейяс бӧрся Йӧрдан ю дорӧдз. Туй вылас туплясис паськӧм-кӧлуй, мый арамейяс вӧлі шыблалӧмаӧсь тэрмасьӧмӧн пышйиганыс. Мӧдӧдӧмаяс бӧр локтісны да юӧртісны та йылысь ӧксылы.

Исай 7:2

Кор ӧксы керкаын кылісны, мый арамейяс локтӧмаӧсь нин Ефрем муӧ, сэки Ахазлӧн да став войтырыслӧн сьӧлӧмныс вӧрзис, кыдзи вӧрын тӧвнырысь вӧрӧны пуяс.

Петӧм 11:8

Став тэнад йӧзыд локтасны меным копыртчыны да корасны менӧ петны татысь войтырӧйкӧд. Сэки ме пета». И Мӧисей муніс фараон дінысь скӧрмӧмӧн.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Неемий 6:11

Но ме шуи: «Ме абу сэтшӧм морт, мед пышйыны. Ме коддьӧмыс кӧ пырас крам пытшкӧ, ловйӧн оз коль. Ме ог мун».

Шусьӧгъяс 27:27

кӧза йӧлыд тырмымӧн лоас аслыд да гортсаясыдлы, сыӧн пӧткӧдчасны тшӧтш кесйӧг аньясыд.

Исай 30:17

Ӧти мортлӧн повзьӧдӧмысь тіян сюрс морт пышъяс, вит мортлӧн повзьӧдӧмысь ті ставныд пышъянныд. А тіян пӧвстысь колясыс лоӧ керӧс йылын сулалысь майӧг кодьӧн, мыльк йылын дӧлалысь дӧрапас кодьӧн.

Ӧксыяслӧн 3 небӧг 1:49

Адонийлӧн корӧмаяс ёна повзисны. Найӧ чеччисны да ӧдйӧ разӧдчисны.

Иов 15:21

Повзьӧдлан шы жвиньгӧ сылӧн пеляс, лӧньлун дырйи локтӧ сійӧс бырӧдысь.

Псалтыр 53:6

Енмыс – меным отсӧг сетысьыс, Господь ёнмӧдӧ менсьым лолӧс.

Шусьӧгъяс 10:9

Сӧстӧма олысь повтӧг ветлӧ, а коді чукльӧдлӧ, сійӧс мыждасны.