Шусьӧгъяс 24:9 - Коми Библия 2023

⁹ Вежӧртӧмлӧн кӧсйӧмыс – мыж, Енмӧс омӧльтысь – йӧзыслы зывӧк.

Шусьӧгъяс 24:9 Referans Kwoze

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

2 Коринфӧ 10:5

да став кыпӧдчӧмсӧ, мый паныд сувтӧ Енсӧ тӧдмалӧмлы. Ми топӧдам быдпӧлӧс мӧвпъяс, медым найӧ кывзысисны Кристослысь.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Ап. уджъяс 8:22

Бергӧдчы аслад лёк вӧчӧмысь да кевмысь Енлы, гашкӧ, Сійӧ прӧститас тэнсьыд лёк мӧвптӧ.

Матвей 9:4

Налысь мӧвпъяссӧ тӧдӧмӧн Исус шуис: «Мыйла сьӧлӧманыд лэдзанныд лёк мӧвпъяссӧ?

Шусьӧгъяс 29:8

Яндысьтӧм йӧз гызьӧдӧны карсӧ, мывкыдаяс скӧрмӧмтӧ лӧньӧдӧны.

Шусьӧгъяс 24:8

Коді мӧвпалӧ лёк вӧчӧм йылысь, сійӧс шуӧны лӧгалысьӧн.

Матвей 5:28

Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Олӧм 6:5

Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,

Шусьӧгъяс 23:7

Сійӧ шуӧ, сёй пӧ да ю, а сьӧлӧмнас абу тэкӧд.

Шусьӧгъяс 22:10

Лӧгалысьӧс вӧтлы, сэки зык-веныд помасяс, лёксьӧмыд да видчӧмыд вунас.

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Шусьӧгъяс 9:7

Коді велӧдӧ омӧльтысьӧс, ачыс яналӧ, коді чирыштӧ лёк вӧчысьӧс, асьсӧ лякӧсьтӧ.

Шусьӧгъяс 21:24

Ыкша да наян мортӧс шуӧны омӧльтысьӧн, этшсьыс петмӧнъя сійӧ вылӧ пуксьӧ.