5 Мывкыд мортыд вына, вежӧра мортыд асьсӧ ёнмӧдӧ.
Мывкыда мортӧс мывкыдлуныс вӧчӧ карса дас юралысь дорысь вынаджыкӧн.
Енмыс мед ёнмӧдас да вынсьӧдас тіянӧс дзирдлуна выннас, медым ті быдторйын вӧлінныд зумыдӧсь да терпитӧмӧн нуинныд быдпӧлӧс сьӧкыдсӧ.
Мывкыд мортыд босьтӧ вынаяслысь карсӧ, жугӧдӧ стенсӧ, мый вылӧ найӧ лача кутісны.
а Господь вылӧ лача кутысьяс бара на вынсялӧны: кутш моз найӧ шевкнитасны борднаныс, котӧртасны, но оз мудзны, мунасны, но оз жебмыны.
Сӧстӧмъясӧс Господь дорйӧ Аслас туй вылын, а лёк вӧчысьясӧс бырӧдӧ.
Туйдӧдӧмыс да мывкыда олӧмыс месянь локтӧ, гӧгӧрвоӧмсӧ да вынсӧ ме сета.
Он ӧмӧй выльысь ловзьӧд миянӧс, медым Тэнад войтырыд вермис нимкодясьны Тэӧн?
Туйдӧдтӧг тышӧ эн пет, туйдӧдысьыд кор уна, верман.
Тэ висьталан нинӧм абусӧ, а тышад колӧны сюсьлун да вын. Тэ кыпӧдчин меным паныд, а ӧні код вылӧ тэ лача кутан?
