19 Лёк морт вылӧ эн лӧгав, мыж вӧчысьлы эн вежав.
Лёк йӧзлы эн вежав, накӧд эн ӧтувтчы.
Эн вежав мыж вӧчысьяслы, но став олӧм чӧжыд пов Господьысь.
Кӧсйӧмыд кор збыльмӧ, сьӧлӧмыд нимкодясьӧ, вежӧртӧм оз кӧсйы эновтны лёксӧ.
Давидлӧн псалом. Сьылӧны казьтылан вись вайигӧн [шойччан лунӧ].
Лок видзӧдлы из чукӧр вылӧ, вӧрӧг жугліс вежа крам.
Шуда сійӧ, коді оз ов лёк вӧчысь моз, оз ветлы мыжаяслӧн туйӧд, оз пукав Енсӧ омӧльтысьяслӧн чукӧрын.
Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.
Войтырыслы Мӧисей шуис: «Вешйӧй тайӧ мыжа йӧзыслӧн чомъяс дорысь, налӧн эмбур-кӧлуй дінӧ энӧ инмӧдчӧй. Онӧ кӧ кывзысьӧй, налӧн мыжъяс вӧсна [накӧд ӧтвылысь] куланныд».
Сэсся ме кылі енэжысь мӧд гӧлӧс шы. Сійӧ шуис: – Войтырӧй Менам, петӧй тайӧ карсьыс, медым энӧ ӧтувтчӧй сылӧн мыж вӧчӧмас, медым сійӧс моз эз су тіянӧс бырӧдӧмыс.
Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.
ӧд Господь аддзас тайӧс да чайтас лёкӧн – и вештас сы вылысь Ассьыс скӧрлунсӧ.
