Шусьӧгъяс 23:15 - Коми Библия 2023

¹⁵ Пиӧй, тэ кӧ мывкыд сьӧлӧма, таысь и менам сьӧлӧмӧй нимкодясьӧ.

Шусьӧгъяс 23:15 Referans Kwoze

2 Иоан 1:4

Меным лои зэв нимкодь, кор аддзи, мый тэнад челядь пиысь кодсюрӧ ветлӧны збыляс, Батьлӧн тшӧктӧмыс серти.

Шусьӧгъяс 29:3

Мывкыдсӧ радейтысь долыдмӧдӧ батьсӧ, а коді ветлӧ кырсалысь аньяс дінӧ, лотӧ эмбурсӧ.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Шусьӧгъяс 4:1

Пиянӧй, кывзӧй батьнытӧ, кылӧй велӧдӧмсӧ да вежӧрсялӧй.

Шусьӧгъяс 2:1

Пиӧй, менсьым кывъясӧс кӧ сибӧдан и тшӧктӧмъясӧс видзан сьӧлӧмад,

Шусьӧгъяс 1:10

Эн сетчы, пиӧй, тэнӧ кӧ мыж вӧчысьяс кутасны ыштӧдны

1 Иоан 2:1

Челядьӧй, гижа тайӧс тіянлы, медым ті энӧ вӧчӧй мыжсӧ. А мыжмас кӧ кодкӧ, тӧдӧй, мый Бать водзын миян эм Дорйысь, веськыда олысь Исус Кристос.

Шусьӧгъяс 15:20

Мывкыд пи батьыслысь сьӧлӧмсӧ гажӧдӧ, мывкыдтӧм – мамсӧ мустӧмтӧ.

Шусьӧгъяс 10:1

Соломонлӧн шусьӧгъяс. Мывкыд пи гажӧдӧ батьсӧ, вежӧртӧм пи мамыслы шог вайӧ.

Иоан 21:5

Исус юаліс налысь: «Ёртъясӧй, шедіс-ӧ тіянлы чериныд?» Найӧ шуисны: «Эз».

Иоан 15:11

Тайӧс Ме висьталі, медым Менам нимкодьлунӧй вуджис тіянлы да тыртіс сьӧлӧмнытӧ.

Лука 15:32

Вокыд вӧсна колӧ гажӧдчыны-нимкодясьны, ӧд сійӧ вӧлі кулӧма, а ӧні ловъя, вӧлі вошӧма, а ӧні сюрис”».

Матвей 9:2

Сэні вайисны Сы дінӧ вольпасьын куйлысь, вӧрзьӧдчыны вермытӧм мортӧс. Налысь эскӧмсӧ аддзӧмӧн Исус шуис висьысьлы: «Эн пов, пиӧй! Тэнсьыд мыжъястӧ прӧститӧма».

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Шусьӧгъяс 27:11

Пиӧй, ло мывкыд, сьӧлӧмӧс гажӧд, сэки ме верма воча кыв шуны менӧ лёкӧдысьлы.