Шусьӧгъяс 23:10 - Коми Библия 2023

¹⁰ Важысянь пуктӧм мудор пассӧ эн вешты, батьтӧм-мамтӧмлысь мусӧ эн мырддьы,

Шусьӧгъяс 23:10 Referans Kwoze

Шусьӧгъяс 22:28

Пӧльясӧн важӧн пуктӧм мудор пассӧ орчча му вылӧ эн вешты.

Закар 7:10

Дӧваясӧс да батьтӧм-мамтӧмъясӧс, йӧз муысь локтысьясӧс да гӧльясӧс энӧ дзескӧдӧй, ӧта-мӧдныдлы лёксӧ вӧчны энӧ мӧвпалӧй.

Индӧд 27:17

”Ёрӧм улӧ веськалӧ быдӧн, коді орчча му вылӧ вештӧ ассьыс мудор пассӧ”. И став войтырыс мед шуас: ”Мед лоӧ тадзи!”

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.

Еремей 22:3

Господь тадзи висьталӧ: олӧй веськыда да мыждӧй збыльыс серти, увтыртӧмаӧс мездӧй дзескӧдысьлӧн киысь. Йӧз муысь локтысьӧс, батьтӧм-мамтӧмӧс да дӧваӧс энӧ увтыртӧй да энӧ дзескӧдӧй, мыжтӧм мортлысь вирсӧ тайӧ муас энӧ кисьтӧй.

Индӧд 19:14

«Кор ті босьтанныд аслыныд мусӧ, мый Господь, тіян Енныд, сетас тіянлы, да тіянлы вичмас му юкӧныс, му юкӧнъяс костӧ сувтӧдӧм пасъяс энӧ вештӧй.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Еремей 7:5

Ті кӧ збыльысь веськӧданныд ассьыныд туйяснытӧ, вӧчанныд бурсӧ да веськыда мыжданныд ӧта-мӧднытӧ,

Псалтыр 94:6

Локтӧй да копыртчамӧй Господь водзӧ, сувтамӧй пидзӧс выланым миянӧс Вӧчысь водзӧ.

Иов 22:9

Дӧваясӧс тэ ыстылін куш киӧн, батьтӧм-мамтӧмъясӧс кольлін нинӧмтӧг.

Иов 6:27

Ті усьласянныд батьтӧм-мамтӧм вылӧ, асланыд ёртлы гу кодъянныд.

Иов 24:9

Ентӧг олысьяс торйӧдӧны батьтӧг кольӧм кагаӧс мам морӧс бердысь, гӧльлы уджйӧзӧн сетӧмысь босьтӧны сылысь кагасӧ.

Петӧм 22:22

Дӧваясӧс да батьтӧм-мамтӧмъясӧс энӧ дзескӧдӧй.

Шусьӧгъяс 15:25

Ыкша мортлысь керкасӧ Господь куштас, дӧвалысь му юкӧнсӧ Сійӧ доръяс.

Еремей 7:6

онӧ кӧ дзескӧдӧй йӧз муысь локтысьӧс, батьтӧм-мамтӧмӧс да дӧваӧс, онӧ кӧ кисьтӧй мыжтӧм йӧзлысь вирсӧ тайӧ муас, онӧ кӧ юрбитӧй мукӧд енъяслы аслыныд лёк вылӧ,