Шусьӧгъяс 21:27 - Коми Библия 2023

²⁷ Лёк вӧчысьлӧн висьыс – зывӧктана, торйӧн нин, наянпырысь кӧ висьсӧ вайӧ.

Шусьӧгъяс 21:27 Referans Kwoze

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Шусьӧгъяс 28:9

Коді оз кӧсйы кывзыны Индӧдсӧ, сылӧн кевмысьӧмыс – зывӧк.

Еклесиаст 5:1

Кывтӧ шуны эн тэрмась, мӧвпышттӧг Ен водзын эн сёрнит, Енмыс ӧд енэжын, а тэ му вылын. Сідзкӧ, сёрниыд мед оз ло уна кывъя.

Лыд 16:15

Мӧисей ёна скӧрмис да шуис Господьлы: «Налысь вайӧмторъяссӧ эн сибӧд. Ме весиг ӧти осёлӧс эг босьтлы налысь, на пӧвстысь некодлы лёксӧ эг вӧчлы».

Шусьӧгъяс 7:14

«Бурасян вись ме вайи, кыв сетан вись талун вайи.