12 Веськыда олысь аддзӧ, кыдзи лёк вӧчысь олӧ аслас керкаын, и кыдзи лёк вӧчысьӧс лоӧ бырӧдӧма.
Лёк вӧчысьлӧн керкаыс киссяс, веськыда олысьлӧн – кутас дзоридзавны.
Но унджыкыс на пиысь эз шогмыны Енмыслы да кулісны овтӧминын.
Содом да Гомора каръяслы моз Ме вайи тіян пӧвстӧ бырӧдӧм, и ті лоинныд биысь перйӧм сэрапом кодьӧсь. Но ті энӧ бергӧдчӧй Ме дінӧ, – висьталӧ Господь. –
Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.
Мыйла оз мывкыдсявны лёксӧ вӧчысьяс? Найӧ нянь моз сёйӧны менсьым войтырӧс, оз шыасьны Ен дінӧ.
Сійӧ мыджсьӧ аслас овмӧс вылӧ, но овмӧсыс киссьӧ, кутчысьӧ озырлунас, но озырлуныс ылӧдлӧ.
Ме аддзылі, мый мывкыдтӧм вужъясис, но сылӧн керка вылӧ виччысьтӧг усис ёрӧм.
Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.
Сӧстӧм сьӧлӧмаӧс веськыдлуныс видзӧ, а мыжаӧс пежыс виӧ.
Ковтысысь каръяссӧ бырӧдігӧн Ен эз вунӧд Ӧвраамӧс, и отсаліс Лотлы петны бырӧдан карысь, кӧні сійӧ оліс.
Лёк вӧчысьыс кор уна, мыж вӧчӧмыс содӧ, но веськыда олысьяс аддзасны налысь усьӧмсӧ.