Шусьӧгъяс 20:6 - Коми Библия 2023

⁶ Унаӧн шуӧны асьнысӧ бурӧн, но сюрас-ӧ на пӧвстысь эскана мортыс?

Шусьӧгъяс 20:6 Referans Kwoze

Псалтыр 12:1

Сьылысьясӧн веськӧдлысьлы. Давидлӧн псалом.

Матвей 6:2

Корысьлы кӧ сетан, эн йӧзӧд тайӧс. Тадзи вӧчӧны кык бана шаньгаяс синагогаясын да йӧзаинъясын, ӧд найӧ йӧзсянь ошкӧм виччысьӧны. Веськыда висьтала тіянлы: найӧ босьтӧны нин ассьыныс удждонсӧ.

Лука 18:8

Висьтала тіянлы: Сійӧ регыдӧн доръяс найӧс. Но аддзас-ӧ Морт Пи му вылысь татшӧм эскӧмсӧ локтӧм бӧрас?»

Лука 22:33

Петыр шуис Исуслы: «Господьӧй, Тэкӧд ме дась пуксьыны дзескыдінӧ, весиг кувны».

Лука 18:11

Фарисей сувтӧмӧн кевмысис вомгорулас: ”Енмӧй, аттьӧала Тэнӧ, мый ме абу мукӧдыс кодь: ог горшась, ог пӧръясь, гозъякост олӧм ог пежав. Ме абу тайӧ вот перйысьыс кодь.

Шусьӧгъяс 27:2

Тэнӧ мед ошкӧ мӧд, а он ачыд асьтӧ, мӧд вомсянь мед петӧ тэнӧ ошкӧмыс, а оз аслад вомсянь.

Шусьӧгъяс 25:14

Коді ошйысьӧ козинъясӧн, но нинӧм оз сет, сійӧ зэртӧм кымӧр да тӧвныр кодь.

Еремей 5:1

– Ветлӧдлӧй ерусалимса уличьясті, видзӧдалӧй да тӧдмалӧй, корсьӧй изэрдъяс вылысь мортӧс, коді олӧ веськыда да кутчысьӧ збыляс. Аддзанныд кӧ, сэки Ме прӧстита Ерусалимын олысьясӧс.

2 Коринфӧ 12:11

Тіян водзын ошйысигӧн ме вӧлі мывкыдтӧм морт кодь, ті ӧд асьныд менӧ вайӧдінныд та выйӧдзыс. Дерт, ме нинӧм кодь, но тіянлы аслыныд колӧ вӧлі ошкыны менӧ, ме ӧд нинӧмӧн абу лёкджык ”ыджыд апостолъясысь”.

Иоан 1:47

Исус аддзис Сы дінӧ локтысь Нафанаилӧс да шуис сы йылысь: «Тайӧ мортыс збыльысь Израиль войтырысь, сійӧ оз ылӧдчы».

Лука 18:28

Сэки Петыр шуис: «Ми ставсӧ эновтім да мунім Тэ бӧрся».

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Еклесиаст 7:28

ме эг аддзы сійӧс, мый дыр корсьыси. Сюрс айлов пӧвстысь ме аддзи сӧмын ӧти веськыда олысьӧс, сюрс ань пӧвстысь – некодӧс.

Шусьӧгъяс 20:5

Сьӧлӧмпытшса мӧвпъясыд – джуджыд ва, но вежӧра морт вермӧ гумлавны и сэтысь.

Псалтыр 12:2

Господьӧй, гашкӧ, Тэ дзикӧдз вунӧдін менӧ? Дыр-ӧ Тэ кутан тупкыны меысь Ассьыд чужӧмбантӧ?

Микей 7:1

Курыд шог меным! Воис кад – вотӧс чукӧртӧм бӧрын кодь, виноград ӧктӧм бӧрын кодь: сёйыштны виноградыс абу, корся инжир вотӧс, а сійӧ абу.