Шусьӧгъяс 20:30 - Коми Библия 2023

³⁰ Нӧйтӧм-ньӧръялӧмыд торйӧдӧ лёксьыс, дойясыд весалӧны сьӧлӧмтӧ.

Шусьӧгъяс 20:30 Referans Kwoze

Еврейяслы 12:10

Мувывса батьяс чирыштлісны миянӧс ас кӧсйӧм сертиныс регыдик кад кежлӧ, а Енмыс чирыштӧ миянӧс бур вылӧ, медым вӧлім Сы кодь вежаӧсь.

Шусьӧгъяс 22:15

Зонпилы кӧ йӧйлун кӧвъясьӧма, мезды сійӧс ньӧръялӧмӧн.

Шусьӧгъяс 19:25

Омӧльтысьӧс кӧ нӧйтан, мывкыдтӧмъяс вежӧрсяласны, вежӧра мортӧс кӧ ӧлӧдан, сійӧ гӧгӧрвоас велӧдӧмсӧ.

Исай 53:5

Но Сійӧс вӧлі бытшкӧма миян мыжъяс вӧсна, дойдалӧма миян лёк вӧчӧмъяс вӧсна. Сійӧ нуис мыждӧмсӧ, медым миян вӧлі лӧньлун. Сылӧн дойясӧн ми бурдім.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Шусьӧгъяс 27:6

Радейтысьлӧн янӧдӧмыс веськыд, мустӧмтысьлӧн окыштӧмыс ылӧг.