Шусьӧгъяс 20:3 - Коми Библия 2023

³ Коді вензьытӧг олӧ, сійӧс пыдди пуктӧны, коді зыксьӧмӧ пырӧ, сійӧ – вежӧртӧм.

Шусьӧгъяс 20:3 Referans Kwoze

Шусьӧгъяс 16:32

Збоялӧм дорысь бурджык терпитны, кар босьтӧм дорысь бурджык асьтӧ кутны.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Ефесӧ 4:32

Ӧта-мӧдныд дінӧ лоӧй бур сьӧлӧмаӧсь да меліӧсь. Енмыс Кристос пыр прӧститіс тіянӧс, сідзкӧ, ті тшӧтш прӧститӧй ӧта-мӧднытӧ.

Шусьӧгъяс 19:11

Мортлӧн бур вежӧрыс видзӧ сійӧс скӧрмӧмысь, ошкӧмыс лоӧ сылы, коді лёксӧ вунӧдӧ.

Шусьӧгъяс 14:29

Ӧдйӧ пузьысь петкӧдлӧ ассьыс вежӧртӧмлунсӧ, коді вермӧ кутчысьнысӧ, сійӧ – вежӧра морт.

Яков 4:1

Кытысь артмӧ тіян пӧвстын лёксьӧмыс да вензьӧмыс? Оз-ӧ чужны найӧ тіян вир-яйын ыпъялан-тышкасян ыштӧмъяссянь?

Шусьӧгъяс 18:6

Вежӧртӧм морттӧ сёрниыс зык-венӧ кыскас, вомыс тышкасьӧмӧдз вайӧдас.

Яков 3:14

Но тіян сьӧлӧмын кӧ эм курыд вежалӧм да асьтӧ радейтӧм, сідзкӧ, энӧ ошйысьӧй да асланыд ылӧгӧн энӧ вевттьӧй збыльсӧ.

Шусьӧгъяс 21:24

Ыкша да наян мортӧс шуӧны омӧльтысьӧн, этшсьыс петмӧнъя сійӧ вылӧ пуксьӧ.

Шусьӧгъяс 14:17

Ӧдйӧ пузьысь уна ковтӧмсӧ вӧчӧ, лёк вӧчны мӧвпалысьӧс мустӧмтӧны.

Ӧксыяслӧн 4 небӧг 14:9

Израильса Йоас ӧксы ыстіс иудаса Амасей ӧксылы татшӧм воча юӧр: «Ливанса йӧн ыстіс юӧр ливанса сус пулы. Сійӧ корис, сет пӧ менам пи сайӧ ассьыд нывтӧ. Но ливанса звер ветлӧдліс да таляліс йӧнсӧ.

Олӧм 13:7

Ӧврамлӧн да Лотлӧн ыж-мӧс видзысьясыс кутісны зыксьыны ӧта-мӧдныскӧд. Сійӧ кадас тайӧ муас нӧшта олісны ханаансаяс да перезейяс.

Олӧм 13:8

Ӧврам шуис Лотлы: «Ми ӧд рӧдвуж тэкӧд. Мыйла миянлы да миян ыж-мӧс видзысьяслы зыксьынысӧ?

Шусьӧгъяс 26:17

Мунігкостіыд кӧ йӧзлӧн зык-венӧ ныртӧ сюян, понйӧс пельӧдыс кватитысь кодь лоан.