Шусьӧгъяс 20:27 - Коми Библия 2023

²⁷ Мортлӧн лолыс – Господьлӧн югдӧданторйыс, пыдӧдз тӧдмалӧ мортлысь сьӧлӧмсӧ.

Шусьӧгъяс 20:27 Referans Kwoze

1 Коринфӧ 2:11

Вермас-ӧ кодкӧ тӧдны мортлысь мӧвпъяссӧ сылӧн лолыс кындзи? Тадзи Енлысь мӧвпъяссӧ некод оз тӧд Енлӧн Лолыс кындзи.

Иов 32:8

Но ӧд морт пытшкас эм лов, Ставсӧвермысьлӧн лолыштӧмыс сетӧ сылы мывкыдлунсӧ.

Олӧм 2:7

Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.

Римӧ 2:15

Тайӧ петкӧдлӧ, мый Индӧдсӧ гижӧма налӧн сьӧлӧмас. Буретш та йылысь и висьталӧ налӧн сьӧлӧмыс да мӧвпъясыс, найӧ либӧ мыждӧны, либӧ дорйӧны найӧс.

Шусьӧгъяс 20:30

Нӧйтӧм-ньӧръялӧмыд торйӧдӧ лёксьыс, дойясыд весалӧны сьӧлӧмтӧ.

Шусьӧгъяс 20:28

Буралӧмыс да збыльыс ӧксыӧс видзӧны, буралӧмнас ӧксы юралӧмсӧ ёнмӧдӧ.