Шусьӧгъяс 20:21 - Коми Библия 2023

²¹ Батьыдлысь кадысь водз босьтӧм овмӧсыд бурсиӧмсӧ оз вай.

Шусьӧгъяс 20:21 Referans Kwoze

Шусьӧгъяс 13:22

Мыж вӧчысьӧс лёкыс суӧ, а веськыда олысьлы бурыс вичмӧ.

1 Тимофейлы 6:9

Коді кӧсйӧ озырмыны, сійӧ сетчӧ ыштӧмас да шедӧ налькйӧ. Сійӧ сетчӧ быдпӧлӧс мывкыдтӧмлунас да лёк кӧсйӧмас, мый бырӧдӧ йӧзсӧ да вайӧдӧ найӧс кулӧмӧ.

Аввакум 2:6

Но ставныс найӧ лэптасны сійӧс серамвыв, лӧсьӧдласны сы йылысь омӧльтана сьыланкывъяс: – Курыд шог сылы, коді горшсӧ паськӧдӧ йӧз эмбур вылӧ, коді озырмӧдчӧ водзӧс сетӧмӧн. Тадзи оз дыр ло!

Шусьӧгъяс 28:22

Колысь морт тэрмасьӧ озырмыны, но оз тӧд, мый гӧльлун суас сійӧс.

Шусьӧгъяс 28:20

Кодлы позьӧ эскыны, сійӧс лоӧ ёна бурсиӧма, но коді тэрмасьӧ озырмыны, мыждытӧг оз коль.

Шусьӧгъяс 28:8

Уджйӧзалысь содтӧдӧн босьтысь чукӧртӧ сылы, коді отсалӧ гӧльяслы.

Шусьӧгъяс 23:4

Эн мудзты асьтӧ, медым озырмӧдчыны, эновт татшӧм мӧвпъястӧ.

Малакий 2:2

– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.

Закар 5:4

Тайӧ ёрӧмсӧ мӧдӧді Ме, – висьталӧ Господь Саваоф. – Ёрӧмыс пырас гусясьысьлӧн керкаӧ да сы ордӧ, коді пӧръясьӧмӧн кӧсйысьӧ Менам нимӧн. Ёрӧмыс овмӧдчас сылӧн керкаӧ, ставнас пазӧдас сійӧс, весиг пусӧ и изсӧ жуглас.

Шусьӧгъяс 20:20

Коді бать-мамсӧ лёкӧдӧ, сылӧн биыс сап пемыд дырйи кусас.

Шусьӧгъяс 20:22

Эн шу: «Лёк вӧчӧмысь лёкӧн мынтыся», Господь вылӧ лачатӧ кут, и Сійӧ доръяс тэнӧ.

Шусьӧгъяс 21:6

Ылӧдчӧмӧн озырмӧдчӧмыд тӧвру пӧльыштӧм кодь да кулӧмсӧ корсьӧм кодь.