Шусьӧгъяс 20:15 - Коми Библия 2023

¹⁵ Эм зарни, эмӧсь дона изъяс, но медся донаыс – мывкыд сёрни.

Шусьӧгъяс 20:15 Referans Kwoze

Шусьӧгъяс 25:12

Мывкыд мортлӧн ӧлӧдӧмыс сійӧс кывзысьлы пельтӧ мичмӧдысь зарни исерга кодь.

Шусьӧгъяс 8:11

мывкыдлуныс ӧд дона изйысь на бурджык, некутшӧм кӧсйӧмтор оз позь ӧткодявны сыкӧд.

Шусьӧгъяс 16:24

Лӧсьыда шуӧм кывйыд – ма кодь, ловтӧ гажӧдӧ, лыястӧ бурдӧдӧ.

Шусьӧгъяс 16:16

Зарни дорысь бурджык мывкыдлун чӧжны, эзысь чӧжӧм дорысь бурджык вежӧрсявны.

Шусьӧгъяс 15:7

Мывкыд мортыд сёрнинас тӧдӧмлун паськӧдӧ, вежӧртӧмыд – оз.

Ефесӧ 4:29

Некутшӧм пеж кыв мед оз пет тіян вомысь, а сӧмын бурыс, ӧд тайӧ ёнмӧдӧ йӧзыслысь эскӧмсӧ да вайӧ налы нимкодьлун.

Шусьӧгъяс 16:21

Мывкыд сьӧлӧмаӧс вежӧра мортӧн шуӧны, бур кывъясӧн велӧдӧмыд вына.

Шусьӧгъяс 3:15

Дона изъясысь сійӧ донаджык, некутшӧм кӧсйӧмтор он ӧткодяв сыкӧд. [Лёкыс оз вермы сылы паныд сувтны, сійӧс тӧдӧны сы дінӧ матыстчысьяс.]

Шусьӧгъяс 15:23

Нимкодь, вочавидзнытӧ кӧ верман, бур, ас кадӧ кӧ кывтӧ шуны кужан!

Шусьӧгъяс 20:14

Ньӧбасьысь шуасьӧ, вузӧсыд пӧ шогмытӧм, а муртса вешъяс да, ошйысьӧ нин ньӧбӧмторнас.

Шусьӧгъяс 20:16

Тӧдтӧм морт вӧсна кыв сетысьлысь босьт дӧрӧмсӧ да ас ордад видз, кытчӧдз уджйӧзыс оз ло мынтӧма.

Шусьӧгъяс 5:2

сэки тэ видзан вежӧртӧ, вомнад висьталан тӧдӧмлунсӧ. [Эн кывзы леститчысь аньӧс.]

Шусьӧгъяс 8:10

Энӧ эзысь, а менсьым велӧдӧмӧс босьтӧй, энӧ весалӧм зарни, а тӧдӧмлунсӧ сибӧдӧй,