Шусьӧгъяс 20:1 - Коми Библия 2023

¹ Винаыд дурмӧдӧ, сурыд тышкасьны ыззьӧдӧ, мывкыдтӧм сійӧ, кодӧс юӧмыс ылӧдлӧ.

Шусьӧгъяс 20:1 Referans Kwoze

Осий 4:11

Кырсалӧмыс да вина юӧмыс пемдӧдіс налысь вежӧрсӧ.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Исай 28:7

Поп да пророк тшӧтш шатлалӧны вина юӧмысь, довъялӧны туй вывті сур юӧмысь, найӧ коддзӧмаӧсь да крукасьлӧны. Винаыс вермӧма найӧс, сурыс пемдӧдӧма вежӧрнысӧ. Пророкъяслӧн аддзылӧмъясыс вайӧдӧны йӧзсӧ ылӧгӧ, попъяс крукасьӧны асланыс кывъясӧ.

Шусьӧгъяс 31:4

Лемуил пиӧй, ӧксыяслы оз позь вина юны, юралысьяслы – сур юны.

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

Галатӧ 5:21

вежалӧм, виӧм, кодалӧм-гажӧдчӧм да мукӧд шогмытӧмтор на. Водзынсӧ висьтавлі нин, ӧні нӧшта висьтала: татшӧмторсӧ вӧчысьлы Енлӧн Юраланіныс оз вичмы.

Ӧксыяслӧн 2 небӧг 11:13

Давид корис Урийӧс ас дінас, вердіс сійӧс да чорыда юкталіс. Но рытнас Урий эз мун гортас, а бара на узьмӧдчис ӧксылӧн кесйӧгъяс дінӧ.

Исай 56:12

Найӧ шуалӧны: «Локтӧй, ме перъя вина, коддзымӧн юам сур. Аскиа луныс лоӧ татшӧм жӧ, да нӧшта на бурджык!»

Исай 5:22

Курыд шог налы, кодъяс збойӧсь вина юны, повтӧмӧсь сур дасьтыны.

Осий 7:5

Ӧксынымлӧн гажӧдчан лунӧ юралысьяс висьмытӧдзныс вина юӧны, ӧксы кисӧ нюжӧдӧ сылы паныд кыпӧдчысьяслань.

Ӧксыяслӧн 2 небӧг 13:28

Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Левит 10:9

«Вина-сур юӧм бӧрын энӧ пырӧй вежа чомйӧ [да энӧ матыстчӧй висьпуктанін дорӧ], медым энӧ кулӧй. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Шусьӧгъяс 23:20

Эн пукав юысь-кодалысьяс пӧвстын да на пӧвстын, кодъяс горша сёйӧны яй.

Аввакум 2:5

Вылӧ кыпӧдчысь пӧрйӧдлысь вина кодь, сійӧ оз лӧнь, пыдӧстӧминыс моз паськӧдӧ вомсӧ, кулӧмыс моз оз пӧтлы, босьтӧ аслас кипод улӧ войтыръясӧс, пуксьӧ ыджыдавны на вылын.

Исай 5:11

Курыд шог налы, кодъяс водз асывсянь корсьысьӧны сур юны да сёр рытӧдз чӧсмӧдлӧны асьнысӧ винаӧн!