Шусьӧгъяс 2:18 - Коми Библия 2023

¹⁸ Сылӧн керкаыс – кулӧмыслӧн нальк, сылӧн туйыс вайӧдӧ кулӧмаяс дінӧ.

Шусьӧгъяс 2:18 Referans Kwoze

Шусьӧгъяс 9:18

Но гӧгӧрвотӧм морт оз тӧд, мый ань чуксалӧ сійӧс кулӧмаяс дінӧ, пыдӧстӧминӧ, кӧні эмӧсь нин сылӧн корӧмаясыс. [Но тэ вешйы бокӧ, эн сулав орччӧн, тайӧ аньыс вылӧ эн видзӧд, ӧд тадзи кӧ вӧчан, йӧз ваӧ пыран. Йӧз ва дорысь ылӧджык мун, йӧз юкмӧсысь васӧ эн ю, медым олан нэмыд вӧлі кузь, медым воясыд тэнад содісны.]

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Олӧм 49:15

Сійӧ казяліс, мый шойччаніныс бур, мый муыс лӧсьыд. Та вӧсна лӧсьӧдіс пельпомсӧ нӧбъяс новлӧдлыны, кутіс уджавны кесйӧг моз.

Шусьӧгъяс 1:32

Мывкыдтӧм мортлӧн асныралӧмыс виас сійӧс, вежӧртӧмлӧн кокньыд оласногыс бырӧдас сійӧс.