Шусьӧгъяс 19:11 - Коми Библия 2023

¹¹ Мортлӧн бур вежӧрыс видзӧ сійӧс скӧрмӧмысь, ошкӧмыс лоӧ сылы, коді лёксӧ вунӧдӧ.

Шусьӧгъяс 19:11 Referans Kwoze

Шусьӧгъяс 16:32

Збоялӧм дорысь бурджык терпитны, кар босьтӧм дорысь бурджык асьтӧ кутны.

Шусьӧгъяс 14:29

Ӧдйӧ пузьысь петкӧдлӧ ассьыс вежӧртӧмлунсӧ, коді вермӧ кутчысьнысӧ, сійӧ – вежӧра морт.

Яков 1:19

Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.

Шусьӧгъяс 15:18

Скӧралысь мортыд зыксьӧм кӧдзӧ, дӧзмытӧмыд – зык-венсӧ дугӧдӧ.

Шусьӧгъяс 12:16

Вежӧртӧм мортыд дзик пыр петкӧдлӧ скӧрмӧмсӧ, вежӧра мортыд яналӧмсӧ оз петкӧдлы.

Ефесӧ 4:32

Ӧта-мӧдныд дінӧ лоӧй бур сьӧлӧмаӧсь да меліӧсь. Енмыс Кристос пыр прӧститіс тіянӧс, сідзкӧ, ті тшӧтш прӧститӧй ӧта-мӧднытӧ.

Шусьӧгъяс 20:3

Коді вензьытӧг олӧ, сійӧс пыдди пуктӧны, коді зыксьӧмӧ пырӧ, сійӧ – вежӧртӧм.

Шусьӧгъяс 25:21

Тэнӧ мустӧмтысь кӧ тшыг, верд сійӧс, горшыс кӧ косьмӧ, юктав сійӧс.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Ӧксыяслӧн 4 небӧг 5:12

Дамаскса Авана да Фарфар юяс абу ӧмӧй бурджыкӧсь израильса юяс дорысь? Ме ӧмӧй ог вермы сэні мыссьыны да сӧстӧммыны?» Скӧралігтырйи Нееман муніс сэтысь.

Шусьӧгъяс 11:13

Суклясьысь морт мӧдлысь гусяторсӧ восьтӧ, эскана морт – ас пытшкас кутӧ.

Шусьӧгъяс 29:11

Вежӧртӧм морт став ассьыс скӧрлунсӧ ортсӧ кисьтӧ, а мывкыд морт кутчысьӧ скӧрмӧмысь.

Шусьӧгъяс 20:22

Эн шу: «Лёк вӧчӧмысь лёкӧн мынтыся», Господь вылӧ лачатӧ кут, и Сійӧ доръяс тэнӧ.