Шусьӧгъяс 18:23 - Коми Библия 2023

²³ [Шань] гӧтырӧс аддзысь шуд аддзӧ, сылы Господьсянь бурыс вичмӧ. [Шань гӧтырсӧ эновтысь шудсӧ эновтӧ, кырсалысь анькӧд олысь – вежӧртӧм да мыжа.]

Шусьӧгъяс 18:23 Referans Kwoze

Яков 2:3

Озыр паськӧма вылӧ видзӧдӧмӧн ті шуанныд сылы: «Пуксьы татчӧ, тані бурджык местаыс», а гӧль мортлы шуанныд: «Тэ сэтчӧ сувт» либӧ «Татчӧ пуксьы, менам кок дорӧ».

Яков 2:6

Но ті увтыртанныд гӧльясӧс. Оз ӧмӧй озыръяс дзескӧдны тіянӧс да кыскыны тіянӧс ёрдӧ?

Матвей 5:3

«Шудаӧсь ловныслы корысьяс, ӧд налӧн эм Енэжвыв Юралӧм.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Ӧксыяслӧн 1 небӧг 25:17

Мӧвпыштлы, мый вӧчны. Ыджыд лёктор виччысьӧ миян ыджыднымӧс да сылысь гортсаяссӧ. Навал лёк морт, некодӧс оз кывзы».

Ӧксыяслӧн 1 небӧг 25:10

Навал [чеччыштіс да] шуис Давидлӧн кесйӧгъяслы: «Коді сэтшӧм Давидыс? Коді сійӧ Ессейлӧн пиыс? Ӧні вывті уна кесйӧг пышъялӧны асланыс ыджыдъясысь.

Ӧксыяслӧн 1 небӧг 2:36

А найӧ, кодъяс ловйӧн колясны тэнад рӧдысь, локтасны да копыртчыласны сьӧм да няньтор вӧсна тайӧ попыслы. Шуасны, сет пӧ миянлы кутшӧмкӧ левит удж, мед кынӧмпӧт шедӧдны”».

Руфа 2:7

Сійӧ менсьым юаліс, позяс-ӧ вундысьяс бӧрся усьласьӧм шепсӧ ӧктыны. Локтіс водз асывнас да шойччывтӧг пыр на ӧктысис».

Петӧм 5:2

Но фараон вочавидзис: «Коді сійӧ Господьыс, медым ме кывзыси Сылысь да лэдзи Израиль войтырӧс? Ме ог тӧд Господьӧс, и Израиль войтырӧс ме ог лэдз».

Олӧм 42:30

«Сэтчӧс муын ыджыдалысьыс сёрнитіс миянкӧд скӧра. Сійӧ чайтіс, мый ми кыйӧдчысьяс.

Олӧм 42:7

Ӧсип тӧдіс найӧс, но эз петкӧдлы, мый тӧдӧ. Сійӧ скӧра юаліс налысь: «Кытысь ті локтінныд?» Найӧ вочавидзисны: «Ханаан муысь нянь ньӧбны».

Ӧксыяслӧн 3 небӧг 12:13

Ӧксы сёрнитіс накӧд чорыда. Сійӧ ӧтдортіс юрнуӧдысьяслысь туйдӧдӧмсӧ,

2 Каднебӧг 10:13

Ровоам ӧксы сёрнитіс накӧд чорыда. Сійӧ ӧтдортіс юрнуӧдысьяслысь туйдӧдӧмсӧ, но том йӧзлӧн туйдӧдӧм серти шуис войтырыслы:

Шусьӧгъяс 19:7

Гӧль морттӧ мустӧмтӧны вокъясыс, бергӧдчӧны сыысь весиг ёртъясыс. Сійӧ кӧсйӧ сёрнитны, но найӧ абуӧсь нин.

Шусьӧгъяс 22:7

Гӧль вылын ыджыдалӧ озыр, уджйӧза вылын – сылы водзӧсалысь.

Иов 41:3

Коді Меным мыйкӧ водзвыв юӧртліс, медым Меным ковмис бурӧн мынтысьны сылы? Ставыс, мый енэж улас – Менам!