Шусьӧгъяс 18:16 - Коми Библия 2023

¹⁶ Вежӧра мортлӧн сьӧлӧмыс тӧдӧмлунсӧ аддзӧ, мывкыд мортлӧн пельыс тӧдӧмлунсӧ корсьӧ.

Шусьӧгъяс 18:16 Referans Kwoze

Шусьӧгъяс 19:6

Унаӧн леститчӧны нималана йӧз водзын, козин сетысьыдлы быдӧн ёрт.

Олӧм 43:11

Израиль батьныс шуис налы: «Но мый сэсся вӧчан? Сідзкӧ, босьтӧй да нуӧй тайӧ мортыслы миян муысь козинъяс: мавтасъяс, ма, чӧскыд дука сиръяс, ладан, фисташ да миндаль кольтусьяс.

Шусьӧгъяс 17:8

Мортыд чайтӧ, мый сылӧн козиныс – шуд вайысь из: быдлаысь, кытчӧ мунас, шуд аддзас.

Ӧксыяслӧн 1 небӧг 25:27

Ыджыдӧй, тайӧ козинъяссӧ ме, тэнад кесйӧг, вайи тэныд да тэнад кесйӧгъяслы.

Олӧм 33:10

«Ог, – шуис Яков. – Ло бур сьӧлӧма ме дінӧ да сибӧд менсьым козинӧс. Ме локті тэ водзӧ, кыдзи Ен водзӧ локтӧны, и тэ бура сибӧдін менӧ.

Олӧм 32:20

Нӧшта тшӧктіс шуны, мый сылӧн Яков кесйӧгыс на бӧрся локтӧ. Ӧд Яков кӧсйис ас водзвылас ыстӧм козиннас небзьӧдны Исавлысь сьӧлӧмсӧ. Яков чайтіс, мый тадзи Исав сибӧдас сійӧс.

Шусьӧгъяс 21:14

Гусьӧн сетӧм козин кусӧдӧ лӧглун, питшӧгысь сетӧмтор лӧньӧдӧ ыджыд скӧрлун.

Ӧксыяслӧн 1 небӧг 16:20

Ессей пуктіс осёл вылӧ нянь, кучик дозйын вина, ӧти кӧзапи да ставсӧ тайӧс мӧдӧдіс Давид пиыскӧд Сауллы.

Шусьӧгъяс 18:17

Козинтӧ сетӧмыд туйяс восьтӧ, ыджыд йӧз дорӧдз вайӧдӧ.

Ӧксыяслӧн 4 небӧг 5:5

Арамейяслӧн ӧксы шуис Нееманлы: «Ветлы. Ме ыста тэкӧд израильса ӧксылы гижӧд». Нееман муніс. Сійӧ босьтіс аскӧдыс дас талант эзысь, квайт сюрс сикель зарни да дас вӧччан паськӧм.