27 Мывкыд морт кужӧ кывсӧ кутны, вежӧра морт – чӧв овны.
Лӧньлунсӧ вайысьяс кӧдзӧны лӧньлунлысь кӧйдыс, а тайӧ кӧйдысыс вайӧ веськыда олӧмыслысь вотӧс.
Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.
Ӧдйӧ пузьысь петкӧдлӧ ассьыс вежӧртӧмлунсӧ, коді вермӧ кутчысьнысӧ, сійӧ – вежӧра морт.
Бызгысь вомаыд мыжӧ усьӧ, вомсӧ тупкысьыд – вежӧра.
Ми ставным унаторйын мыжмам. Коді оз мыжмы сёрнинас, сійӧ тыр-бур морт да вермӧ кутны ставнас ассьыс вир-яйсӧ.
Веськыда олысь мӧвпыштӧмӧн вочавидзӧ, а мыж вӧчысьлӧн вомысь лёкыс петӧ. [Веськыда олысьлӧн туйыс Господьлы шогмана, веськыда олӧм ӧта-мӧдсӧ мустӧмтысьясӧс ёртъясӧн вӧчас.]
Вежӧртӧмъяс вылын ыджыдалысьлӧн горзӧм дорысь мывкыдалысь лӧня шуӧмсӧ кывзӧныджык.
Збоялӧм дорысь бурджык терпитны, кар босьтӧм дорысь бурджык асьтӧ кутны.