Шусьӧгъяс 16:21 - Коми Библия 2023

²¹ Мывкыд сьӧлӧмаӧс вежӧра мортӧн шуӧны, бур кывъясӧн велӧдӧмыд вына.

Шусьӧгъяс 16:21 Referans Kwoze

Исай 50:4

Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.

Шусьӧгъяс 15:7

Мывкыд мортыд сёрнинас тӧдӧмлун паськӧдӧ, вежӧртӧмыд – оз.

Шусьӧгъяс 27:9

Чӧскыд ӧвтанторъяс да мавтасъяс долыдмӧдӧны сьӧлӧмтӧ, тадзи ёртыдлӧн бур туйдӧдӧмыс долыдмӧдӧ тэнӧ.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

Иоан 7:46

Мӧдӧдлӧмаяс вочавидзисны: «Тайӧ Мортыс моз некод на эз сёрнитлы».

Лука 4:22

Ставӧн ошкисны Исусӧс да шензисны Сы вомысь петӧм буралан кывъясысь да шуалісны: «Абу-ӧ Сійӧ Ӧсиплӧн пи?»

Еклесиаст 12:10

Еклесиаст корсис мича-ёсь шуӧмъяс, веськыда гижис збыльсӧ.

Шусьӧгъяс 23:15

Пиӧй, тэ кӧ мывкыд сьӧлӧма, таысь и менам сьӧлӧмӧй нимкодясьӧ.

Шусьӧгъяс 10:8

Мывкыд мортлӧн сьӧлӧмыс тшӧктӧмъястӧ сибӧдӧ, вежӧртӧм морт сёрнинас асьсӧ крукӧдӧ.

Псалтыр 45:2

Енмыс – миянлы сайӧдчаніныс да выныс, Сійӧ тэрмасьӧ отсавны шог дырйи.

Ӧксыяслӧн 3 небӧг 3:12

Ме вӧча тэнад корӧм серти. Ме сета тэныд ыджыд мывкыдлун да сюсь вежӧр. Тэ кодь мортыс эз вӧв, и тэ бӧрын оз ло.

Римӧ 16:19

Тіян кывзысяна олӧмныд быдӧнлы бура тӧдса. Таысь меным нимкодь. Кӧсъя, мед эськӧ ті вӧлінныд тэрыбӧсь бурыс вылӧ, но ньӧжмыдӧсь лёкыс вылӧ.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Шусьӧгъяс 16:22

Мывкыд мортлы вежӧрыс вайӧ олӧм, вежӧртӧмлы велӧдчӧмыс – йӧйталӧм.

Осий 14:9

Ефрем, Менӧ-ӧ тэ ӧткодялан идолъяскӧд? Ме кыла тэнӧ да вочавидза тэныд, Ме тӧждыся тэ вӧсна. Ме лоа тэныд веж кипарисӧн, Месянь лоӧ тэнад вотӧсыд.

Шусьӧгъяс 10:13

Вежӧра мортлӧн вомас мывкыдлун, вежӧртӧмлы мышкуас ньӧр инмӧ.

Шусьӧгъяс 10:23

Вежӧртӧмлы лёк вӧчӧмыс ворсӧдчӧм кодь, вежӧра мортӧс долыдмӧдӧ мывкыдлуныс.