Шусьӧгъяс 15:18 - Коми Библия 2023

¹⁸ Скӧралысь мортыд зыксьӧм кӧдзӧ, дӧзмытӧмыд – зык-венсӧ дугӧдӧ.

Шусьӧгъяс 15:18 Referans Kwoze

Шусьӧгъяс 26:21

Ӧгыр сетӧ шоныд, пессянь кыптӧ би, а пинясьысь пестӧ лӧглун.

Шусьӧгъяс 15:1

[Скӧралӧмыд бырӧдӧ весиг вежӧра йӧзӧс.] Скӧрмӧм мортлы кӧ лӧня вочавидзан, сійӧс лӧньӧдан, но лэчыд кывъя шуӧмыд сійӧс ыззьӧдас.

Матвей 5:9

Шудаӧсь йӧзӧс бурӧдысьяс, ӧд найӧс Енлӧн ныв-пиӧн шуасны.

Шусьӧгъяс 29:22

Скӧралысь мортыд зыксьӧм кӧдзӧ, ӧдйӧ пузьысь уна мыж вӧчӧ.

Шусьӧгъяс 14:29

Ӧдйӧ пузьысь петкӧдлӧ ассьыс вежӧртӧмлунсӧ, коді вермӧ кутчысьнысӧ, сійӧ – вежӧра морт.

Еклесиаст 10:4

Юралысьыд кӧ скӧрмас тэ вылӧ, эн тэрмась пышйыны, ӧд рамлуныд вевттьӧ ыджыд мыжъяс.

Шусьӧгъяс 16:28

Ылӧдчысь кӧдзӧ зыксьӧм, удтысьысь торйӧдӧ ёртъясӧс.

Шусьӧгъяс 10:12

Лӧглуныд зык-вен чужтӧ, а муслуныд вевттьӧ став мыжсӧ.

Шусьӧгъяс 28:25

Ыкша мортыд зык-вен пестӧ, Господь вылӧ лача кутысь пондас бура овны.

Шусьӧгъяс 25:15

Рамлуныд эскӧдӧ юралысьӧс, небыд кывйыд весиг лы чегӧ.

Ӧксыяслӧн 2 небӧг 19:43

Израильсаяс воча шуисны налы: «Ми ӧксылӧн дас чужанкотырыс. Ёнджыкасӧ сійӧ миян ӧксы, абу тіян. [Медводдза чужысьсянь петім ми, а энӧ ті.] Ті миянӧс нинӧмӧ пуктінныд. Ми ӧд водзджык шуим ӧксынымӧс бӧр вайӧдны». Но израильсаяс эз вермыны венны Иуда войтырӧс.

Шусьӧгъяс 15:19

Дыш мортлӧн туй вылас лежнӧг быдмӧ, веськыда олысьлӧн туйыс шыльыд.

Шусьӧгъяс 16:14

Ӧксылӧн скӧрмӧмыс кулӧм вайӧ, но мывкыд морт вермас лӧньӧдны сійӧс.

Шусьӧгъяс 22:24

Эн ёртась дӧзмысь морткӧд, ӧдйӧ пузьысь морткӧд эн волысь,