Шусьӧгъяс 14:28 - Коми Библия 2023

²⁸ Кор войтырыс уна, ӧксы нималӧ, кор этша, ӧксы бырӧ.

Шусьӧгъяс 14:28 Referans Kwoze

Ӧксыяслӧн 4 небӧг 13:7

Иохазлӧн вӧлі кольӧма сӧмын ветымын верзьӧма, дас тарантас да дас сюрс пода тышкаморт сы бӧрти, кор арамейяслӧн ӧксы пасьвартіс израильса тышкайӧзӧс, таляліс найӧс кокувса бусӧс моз.

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».

Ӧксыяслӧн 3 небӧг 20:27

Израильсаяс тшӧтш дасьтысисны тыш кежлӧ. Найӧ босьтісны аскӧдныс сёян-юан да мӧдӧдчисны петны тышӧ. Израильсаяс сувтісны арамейяслы воча. Израильса тышкайӧз вӧліны быттьӧ кык ичӧтик кӧза чукӧр, а арамейяс тыртісны ставнас мусӧ.

Петӧм 1:12

Кымын ёнджыка топӧдісны Израиль войтырӧс, сымын ёнджыка найӧ рӧдмисны-паськалісны. Египетсаясӧс таысь полӧм босьтіс,

Ӧксыяслӧн 2 небӧг 19:7

Пет да сёрнит аслад йӧзкӧд. Ышӧд найӧс. Господь водзын шуа: он кӧ пет, тайӧ войнас ставныс эновтасны тэнӧ. Тайӧ лоӧ тэныд ыджыдджык лёкторйӧн став сійӧ лёкыс дорысь, мый вӧлі тэнад олӧм чӧжыд».

Шусьӧгъяс 14:27

Господьысь полӧмыс вайӧ олӧм, ылыстӧ кулӧмыслӧн тывйысь.

Шусьӧгъяс 14:29

Ӧдйӧ пузьысь петкӧдлӧ ассьыс вежӧртӧмлунсӧ, коді вермӧ кутчысьнысӧ, сійӧ – вежӧра морт.

Ӧксыяслӧн 2 небӧг 24:3

Йоав шуис ӧксылы: «Господь, тэнад Енмыд, мед содтас тэнад войтырлысь лыдсӧ сы мында, мыйта ӧні эм, и нӧшта на сё пӧвстӧн мед содтас та дорӧ. Менам ӧксыӧй-ыджыдӧй мед аслас синмӧн аддзас тайӧс. Ӧксыӧй-ыджыдӧй, мыйла тэ кӧсъян артавны-гижавны найӧс?»

Еремей 13:20

– Ерусалим, лэпты синтӧ да видзӧдлы войвывсянь локтысьяс вылӧ! Кӧні тэныд сетӧм войтырыд, мича ыж чукӧр кодь олысьясыд?